రాష్ట్ర స్వయంసేవక్ సంఘ్ (ఆర్ఎస్ఎస్) సర్ సంఘచాలక్ డాక్టర్ మోహన్ భగవత్ కేరళలోని కాలికట్లో కేసరి వీక్లీ యొక్క కొత్త ప్రధాన కార్యాలయాన్ని ప్రారంభించారు. కొత్త ప్రధాన కార్యాలయంలో కేసరి మీడియా అధ్యయనాలు మరియు పరిశోధనా కేంద్రం మరియు డిజిటల్ లైబ్రరీ ఉంటుంది.
ప్రారంభోత్సవం తరువాత సభలో ప్రసంగిస్తూ, డాక్టర్ మోహన్ భగవత్ కేసరిని పాత్రికేయ రంగంలోకి జాతీయవాద విలువలను తీసుకువచ్చినందుకు మరియు నిర్భయంగా నిజాన్ని వెల్లడిస్తున్నందుకు అభినందించారు. `కేసరి’ లక్ష్యం ఏవో కొన్ని విజయాలు సాధించటం మాత్రమే కాదని, ధర్మ మార్గాన్ని స్థాపించడమేనని డాక్టర్ మోహన్ భగవత్ అన్నారు. “మనం సామాజిక, రాజకీయ మరియు ఆర్ధిక రంగాలలో కొత్త మార్గాల్లో అనేక మార్పులకు అనుగుణంగా సర్దుబాట్లు చేయాలి. ప్రపంచం విజయవంతమైన వ్యక్తులందరినీ గుర్తుంచుకోదు కాని అర్ధవంతంగా విజయం సాధించిన వారిని మాత్రం గుర్తుంచుకుంటుంది. `ధర్మ’మార్గాన్ని స్థాపించడమే కేసరి లక్ష్యం. ఎన్ని ఇబ్బందులు ఉన్నప్పటికీ , మన లక్ష్యమైన సత్య, ధర్మాల సాధనకు కృషి చేయాలి, అని సర్ సంఘచాలక్ అన్నారు.
కురుక్షేత్ర మరియు కేసరి ప్రచురణ సంస్థలు ప్రచురించిన ఎనిమిది పుస్తకాలను సర్ సంఘచాలక్ మోహన్ భగవత్ విడుదల చేశారు. కేరళలో ఆర్ఎస్ఎస్ కు వ్యతిరేకంగా జరిగిన, జరుగుతున్న రాజకీయ హింస చరిత్రకు సంబంధించిన పుస్తకం కూడా విడుదలైంది. డాక్టర్ ఎ కె ఎం దాస్ రచించగా డాక్టర్ ఎ కె ఎం దాస్, వి ఎం గోపీనాథ్ మరియు షాబు ప్రసాద్ సంయుక్తంగా సంకలనం చేసిన “కేరళలో ఆర్ఎస్ఎస్: సాగా యొక్క పోరాటం” ఆర్ఎస్ఎస్ మరియు బిజెపి అమరవీరులపై (“RSS in Kerala: Saga of a Struggle’, on the martyr’s of the RSS and BJP) అనే పుస్తకం.
“కేరళలో ఆర్ఎస్ఎస్” పుస్తకం కేరళలో ఆర్ఎస్ఎస్ ఎదుర్కొంటున్న సమస్యల గురించి వివరంగా చెబుతుంది. సిపిఎం గూండాలు దాని రాష్ట్ర అధికార యంత్రాంగం సహకారంతో RSS కార్యకర్తలను అనేక రకాలుగా హింసించారు, హింసిస్తున్నారు. పుస్తకం పరిచయంలో, ప్రజ్ఞా ప్రవాహ్ జాతీయ సమన్వయకర్త, శ్రీ జె. నందకుమార్ వ్రాస్తూ “కన్నూర్ జిల్లాలోని చిన్న ప్రాంతం చాలా పెద్ద సంఖ్యలో మరణాలకు కారణమైంది. గాయపడిన వారి సంఖ్య హత్య చేయబడిన వారి సంఖ్య కంటే దాదాపు ఆరు రెట్లు ఎక్కువ. దీనికి తోడు, సిపిఐ (ఎం) నేతృత్వంలోని ఎల్డిఎఫ్ అధికారంలోకి వచ్చిన తర్వాత పోలీసు కస్టడీలో హింస, నకిలీ కేసులు బనాయించడం మొదలైనవి చాలా సాధారణమైపోయాయ్. ఈ పుస్తకంలో కేరళలో హత్య చేయబడిన స్వయం సేవకులందరి వివరాలు ఉన్నాయి.
“కేరళ, ముఖ్యంగా కన్నూర్ జిల్లా, కమ్యూనిస్ట్ పార్టీ ఆఫ్ ఇండియా (మార్క్సిస్ట్) యొక్క హింస, రక్తపాతం మరియు రాజకీయ హత్యలకు కేంద్రంగా మారింది. భారతదేశం స్వాతంత్ర్యం పొందిన తరువాత కేరళలో కమ్యూనిస్టు పార్టీ చేసిన మొట్టమొదటి రాజకీయ హత్య, ఏప్రిల్ 28, 1969 న తలసేరీలో జరిగింది. వృత్తిపరంగా దర్జీ మరియు అతని పేద కుటుంబానికి ఏకైక ఆధారమైన 36 ఏళ్ల వడికల్ రామకృష్ణన్ ను కమ్యూనిస్టులు హత్య చేశారు. అప్పటినుండి ఇప్పటి వరకు, వారు కేరళలో ఆర్ఎస్ఎస్ లేదా ఇతర హిందుత్వ సంస్థలకు చెందిన 300 మంది కార్యకర్తలను చంపారు. అలాంటి అవాంఛనీయ హత్యలు మరియు రక్తపాతాన్ని అనుమతించటానికి పార్టీని ఏది ప్రేరేపిస్తుంది? ”అని ప్రొఫెసర్ ఎకెఎం దాస్ రచయిత ముందు మాటలో వ్రాశారు.
ఆర్గనైజింగ్ కమిటీ అధ్యక్షుడు పి ఆర్ నాథన్, ఓ రాజగోపాల్, ఎమ్మెల్యే స్వామి చిదానంతపురి, స్వామి నరసింహానంద సరస్వతి, చిన్మయ మిషన్ ప్రాంతీయ అధిపతి స్వామి తేజోమయానంద ఈ కార్యక్రమంలో పాల్గొన్నారు.
Source : Organiser.
