354views
విజయవాడ: లోన్యాప్ల ద్వారా మహిళలను మోసగిస్తూ బెదిరింపులకు పాల్పడుతున్న ముగ్గురు నిందితులను కృష్ణా జిల్లా పోలీసులు అదుపులోకి తీసుకున్నారు. జిల్లా ఎస్పీ జాషూవా మాట్లాడుతూ లోన్యాప్ మోసాలకి సంబంధించి త్వరలోనే మరి కొంతమందిని అదుపులోకి తీసుకుంటామన్నారు. పెనమలూరు, ఆత్కూరు స్టేషన్లలో నమోదైన కేసుల దర్యాప్తులో భాగంగా ఉన్నత అధికారుల ఆదేశాలతో ఏర్పాటుచేసిన బృందం ఇతర రాష్ట్రాలకి చెందిన ముగ్గురిని అదుపులోకి తీసుకుందని తెలిపారు. ఈ కేసులతో సంబంధం ఉన్న ఇతర రాష్ట్రాలకి చెందిన మరికొందరిని అదుపులోకి తీసుకునేందుకు చర్యలు కొనసాగుతున్నాయన్నారు.
Source: EtvBharat
