హెరాత్: అఫ్గానిస్థాన్ హెరాత్లోని ఓ మసీదులో భారీ పేలుడు సంభవించింది. ఈ దుర్ఘటనలో 18 మంది చనిపోయినట్టు స‌మాచారం. మరో 20 మందికిపైగా గాయపడ్డారు. శుక్రవారం ప్రార్థనల సమయంలో బాంబు పేలుళ్ళు జరిగాయి. ప్రముఖ మతగురువు కూడా చనిపోయినట్టు తెలుస్తోంది.
అఫ్గానిస్థాన్ హెరాత్ నగరంలోని ఓ మసీదులో ఉగ్రవాదులు మత పెద్దని లక్ష్యంగా చేసుకొని శుక్రవారం బాంబు దాడి చేశారు. ముస్లింలు ఎక్కువగా ప్రార్థనలు చేసే రోజుల్లో శుక్రవారం ఒకటి. ఈ రోజునే లక్ష్యంగా చేసుకుని.. ఉగ్రవాదులు పశ్చిమ నగరమైన హెరాత్లోని ఓ మసీదులో బాంబు దాడి చేశారు. ఈ దాడిలో మత గురువుతో పాటు 18 మంది మృతి చెందగా.. 21 మంది గాయపడ్డారు. వారిని హెరాత్ ప్రభుత్వాసుపత్రికి తరలించారు. ఈ విషయాన్ని తాలిబన్ ప్రభుత్వం అధికారికంగా ప్రకటించింది.
గత రెండు దశాబ్దాలుగా మజీబ్ ఉల్ రెహమాన్ అన్సారీ అనే మత గురువు అఫ్గానిస్థాన్ ప్రభుత్వాన్ని విమర్శిస్తున్నందున అతన్ని చంపడానికే ఉగ్రవాదులు ఈ దాడి చేసినట్టు తాలిబన్ ప్రభుత్వ అధికారులు తెలిపారు. ఈ దాడిలో మత గురువు అన్సారీ మరణించినట్టు తాలిబన్ అధికారి జబీహుల్లా ముజాహిద్ ప్రకటించారు. ఈ సంఖ్య మరింత పెరగొచ్చని అఫ్గానిస్థాన్ అంతర్గత వ్యవహారాల మంత్రి తెలిపారు. తాలిబన్లు అఫ్గానిస్థాన్లో అధికారం చేపట్టినప్పటి నుంచి.. ఇస్లామిక్ దేశంలో షియా ముస్లింలను లక్ష్యంగా చేసుకొని ఉగ్రవాదులు దాడికి పాల్పడుతున్నారు.
Source: EtvBharat
