News

విశ్వశాంతి, సనాతన ధర్మం, గిరిజన సంస్కృతి, సంప్రదాయాల పరిరక్షణకు అల్లూరి సీతారామరాజు జిల్లాలోని అయిదు మండలాల్లో పాదయాత్ర నిర్వహిస్తున్నామని రామానందస్వామి శనివారం తెలిపారు. కృష్ణాపురం ఆశ్రమం నుంచి ఈ పాదయాత్ర మొదలు పెట్టామని పేర్కొన్నారు. ఈనెల 4 నుంచి 11వ తేదీ వరకు చింతపల్లి, గూడెంకొత్తవీధి, కొయ్యూరు, జి. మాడుగుల మీదుగా పాడేరు వరకు పాద యాత్ర నిర్వహిస్తున్నామని చెప్పారు. గిరిజన ప్రాంతంలోని హిందువులు, ధార్మిక సంస్థల ప్రతినిధులు ప్రతి గ్రామంలోని దేవాలయాల్లో పాదయాత్రలో రామానందస్వామి, భక్తులు శ్రీరామ భజనలు చేయాలని పిలుపునిచ్చారు. హిందు ధర్మాన్ని రక్షించుకునేందుకు పాటుప డాలని పేర్కొన్నారు. రఘుపతి, రమణ, మోహన్, ఉపాధ్యాయులు, భక్తులు తదితరులు పాల్గొన్నారు....

విశాఖపట్నం నుంచి లింగంపల్లి వెళ్తున్న జన్మభూమి ఎక్స్‌ప్రెస్‌లో 80 గోమాంస బాక్సులను నల్లగొండ స్టేషన్‌లో పోలీసులు స్వాధీనం చేసుకున్నారు. రైలులోని ముందు, వెనుక లగేజీ బోగీల్లో ఈ బాక్సులను గుర్తించారు. ఒక లగేజీ బోగీలో 40, మరో లగేజీ బోగీలో 40 బాక్సులను ఫిష్‌ లేబుల్‌ అంటించి సికింద్రాబాద్‌ తరలిస్తున్నారు. ఈ సమాచారం అందుకున్న హిందూ సంస్థల కార్యకర్తలు, రాజమహేంద్రవరం, విజయవాడ, గుంటూరు స్టేషన్లలో రైలును ఆపేందుకు ప్రయత్నించారు. గుంటూరులో అడ్డుకున్న శైవ క్షేత్ర పీఠాధిపతి శివ స్వామి, భజరంగ్ దళ్, విశ్వ హిందూ పరిషత్ కార్యకర్తలతో కలిసి అడ్డుకునేందుకు ప్రయత్నించారు. విషయం నల్లగొండ జీఆర్పీ పోలీసులకు తెలియడంతో.. రైలు నల్లగొండ రైల్వేస్టేషన్‌కు చేరుకోగానే తనిఖీ చేసి, గో మాంసం స్వాధీనం చేసుకున్నారు....