అయోధ్య: అయోధ్యలోని శ్రీరామ జన్మభూమి తీర్థక్షేత్ర ట్రస్ట్ అధ్యక్షుడు మహంత్ నిత్య గోపాల్ దాస్ అనారోగ్యానికి గురయ్యారు. ఈ నేపథ్యంలో చికిత్స నిమిత్తం ఆయనను లఖ్నవూలోని ఆసుపత్రికి తరలించారు. ఆయన ఆరోగ్య పరిస్థితి విషమంగా ఉన్నట్టు వైద్యులు వెల్లడించారు. ముత్రపిండాల సమస్య తలెత్తడం వల్ల ఆదివారం మధ్యాహ్నం 12.30 గంటలకు ఆయనను మేదంతా ఆసుపత్రిలో చేర్చారు.
గోపాల్ దాస్ ఆరోగ్యస్థితిపై వైద్యులు పర్యవేక్షిస్తున్నారని.. చికిత్సను కొనసాగిస్తున్నట్టు ఆసుపత్రి యాజమాన్యం వెల్లడించింది. రామమందిర్ను నిర్మిస్తున్న శ్రీరామ జన్మభూమి తీర్థ్క్షేత్రకు దాస్ ఛైర్మన్గా వ్యవహరిస్తున్నారు. దాస్ ఇదివరకు కూడా పలుమార్లు తీవ్ర అనారోగ్యానికి గురయ్యారు. 2020 నవంబరులో శ్వాసకోస సమస్య కారణంగా ఆయన ప్రస్తుతం చేరిన మేదాంత ఆసుపత్రిలోనే చికిత్స పొందారు. 2021 అక్టోబరులో కూడా కొవిడ్ సోకిన కారణంగా తీవ్ర అస్వస్థతకు గురయ్యారు.
Source: EtvBharat
