616views
చిత్తూరు: చిత్తూరు జిల్లా శేషాచలం అడవుల్లోని కాకులకోన ప్రాంతంలో మంటలు చెలరేగాయి. అగ్ని ప్రమాదాల నివారణలో భాగంగా అటవీ సిబ్బంది ఫైర్లైన్స్ ఏర్పాటు చేస్తోంది. ఈ క్రమంలో భారీగా వీచిన గాలులకు.. అగ్నికీలలు అటవీప్రాతంలో వ్యాపించాయి. ఈ క్రమంలో కార్చిచ్చు చెలరేగడంతో పరిస్థితి అదుపుతప్పింది. దీంతో.. ఆ ప్రాంతం మొత్తం మంటలు ఎగిసిపడుతూ దట్టమైన పొగ అలుముకుంది.
సమాచారం అందుకున్న అగ్నిమాపక సిబ్బంది.. ఘటనా స్థలానికి చేరుకున్నారు. రెండు అగ్నిమాపక వాహనాలు, ట్యాంకర్లతో మంటలు ఆర్పేందుకు ప్రయత్నిస్తున్నారు. ఈ ప్రాంతంలోనే పవన విద్యుత్ కేంద్రం ఉండడంతో.. మంటలు ఆ వైపునకు మంటలు వ్యాప్తిచెందకుండా చర్యలు చేపట్టారు. భారీగా గాలులు వీస్తుండడంతో మంటలు వేగంగా వ్యాపిస్తున్నాయి.
