న్యూఢిల్లీ: వచ్చే ఆర్థిక సంవత్సరానికి సంబంధించిన బడ్జెట్పై కసరత్తులు ప్రారంభించింది కేంద్ర ప్రభుత్వం. ఈ మేరకు వివిధ రంగాల పారిశ్రామికవేత్తలతో సమావేశమయ్యారు కేంద్ర ఆర్థికమంత్రి నిర్మలా సీతారామన్. ఈ సమావేశానికి ఆర్ధిక శాఖ సహాయ మంత్రులు పంకజ్ చౌదరీ, భగవత్ కిషన్రావ్, పలువురు ఉన్నతాధికారులు హాజరయ్యారు. దీనికి సంబంధించిన ఫొటోలను పోస్ట్ చేసింది ఆర్థిక శాఖ.
ఉద్యోగాల కల్పనను వేగవంతం చేసే అంశాలపైనే దృష్టి సారించినట్లు తెలిపారు కేంద్ర ఆర్థిక శాఖ మంత్రి నిర్మలా సీతారామన్. జీఎస్టీ, ఆదాయపు పన్నును హేతుబద్ధీకరించి పారిశ్రామిక రంగం అభివృద్ధికి కృషి చేస్తామన్నారు. ఈ క్రమంలోనే ఉద్యోగాల కల్పన, సామాజిక మాళిక సదుపాయల పెంపు, పరిశ్రమల సామర్థ్యం పెంపు, భారత ఆర్థిక ప్రగతితో కూడిన ఐదు అంశాల ప్రణాళికను అందజేశారు పారిశ్రామికవేత్తలు. 2024 సార్వత్రిక ఎన్నికల నేపథ్యంలో.. 2022-23 ఆర్థిక సంవత్సరానికి ప్రవేశపెట్టే పద్దు మోదీ ప్రభుత్వానికి చివరి పూర్తిస్థాయి బడ్జెట్ కానుంది.
