313views
సోలాపుర్: మహారాష్ట్ర సోలాపుర్లో ఘోర రోడ్డు ప్రమాదం జరిగింది. పాదయాత్ర చేస్తున్న భక్తులపైకి ఓ కారు వేగంతో దూసుకెళ్లింది. ఈ ఘటనలో ఏడుగురు భక్తులు దుర్మరణం పాలయ్యారు. ఈ ప్రమాదం సంగోలా పట్టణంలో సాయంత్రం ఆరు గంటల సమయంలో జరిగింది. “కొల్హాపుర్ జిల్లాలోని జతర్వాడీకి చెందిన 32 మంది భక్తులు పంధార్పుర్కు దైవ దర్శనానికి పాదయాత్ర చేస్తూ బయలుదేరారు. ఈ క్రమంలో సంగోలా చేరుకున్న వీరిపై ఓ కారు అదుపుతప్పి వేగంగా వచ్చి ఢీ కొట్టింది. ఈ ప్రమాదంలో ఏడుగురు భక్తులు మరణించారు.” అని అధికారులు తెలిపారు.
