477views
* మరింత చౌక, సౌకర్యవంతం, వేగవంతం కానున్న సరకుల రవాణా
వందేభారత్ ఎక్స్ ప్రెస్ రైళ్ల తరహాలోనే సెమీ హైస్పీడ్ సరకు రవాణా రైళ్లు కూడా సిద్ధం అవుతున్నాయి. ఈ ఏడాది చివరికల్లా ఈ రైళ్లు పట్టాలెక్కే అవకాశం కనిపిస్తుండగా.. చెన్నైలోని ఇంటిగ్రల్ కోచ్ ఫ్యాక్టరీ వీటిని రూపొందిస్తోంది. గంటకు 160కి.మీ వేగంతో ప్రయాణించే ఈ రైళ్ల తయారీకి ఒక్కొక్క దానికీ రూ.115 కోట్లు ఖర్చు కానుంది. మొత్తానికి ఈ రైళ్ల రాకతో సరకు రవాణా వ్యవస్థ దేశంలో మరింత వేగం పుంజుకోనుంది. రోడ్డు రవాణా వ్యవస్థతో పోలిస్తే రైలు రవాణా మరింత చౌకగానూ, సౌకర్యవంతంగానూ, వేగవంతంగానూ ఉండనుంది. మోడీ ప్రభుత్వం తీసుకున్న ఈ చర్యతో రవాణా వ్యవస్థ ఎంతగానో మెరుగు పడడమే కాక వస్తువుల ధరలు కూడా మరింత అదుపులోకి వచ్చే అవకాశం కూడా వున్నదని రవాణా వ్యవస్థకు చెందిన పలువురు అభిప్రాయపడుతున్నారు.
