364views
-
పీఎం సహాయ నిధికి భారీగా విరాళాలు
-
ప్రతిపక్షాల ఆరోపణలను లక్ష్యపెట్టని ప్రజలు
న్యూఢిల్లీ: కరోనా మహమ్మారి నేపథ్యంలో ప్రారంభించిన పీఎం కేర్స్ నిధులు 2020-21 ఆర్థిక సంవత్సరంలో మూడు రెట్లు పెరిగి రూ.10,990 కోట్లకు చేరుకున్నాయి. ఈ ఫండ్ నుంచి మొత్తం రూ.3,976 కోట్లు వివిధ కార్యక్రమాల నిమిత్తం జారీ అయ్యాయి. ఇందులో రూ.వెయ్యి కోట్లు వలస కార్మికుల సంక్షేమం కోసం, రూ.1,392 కోట్లు కొవిడ్ టీకా డోసుల కోసం కేటాయించారు. పీఎం కేర్స్ నిధులకు సంబంధించి తాజా ఆడిట్ నివేదికలో ఈ విషయాలు వెల్లడయ్యాయి. ప్రతిపక్షాల అనవసర ఆరోపణలను లెక్కచేయకుండా ప్రజలు ఈ విరాళాలు అందించారు.
5 రోజుల్లో వేల కోట్లు జమ
2020-21 ఆర్థిక సంవత్సరంలో రూ.494.91 కోట్లు విదేశాల నుంచి వచ్చాయని నివేదికలో తేలింది. రూ.7,183 కోట్లు స్వచ్ఛంద విరాళాల రూపంలో వచ్చాయి. 2019-20 ఆర్థిక సంవత్సరంలో పీఎం కేర్స్కు రూ.3076.62 కోట్ల విరాళాలు అందాయి. ఇవన్నీ ఐదు రోజుల వ్యవధిలోనే రావడం విశేషం.
