News

కేరళ : RSS సభ్యుడు నందుకృష్ణ హత్య కేసులో నిందితుడైన SDPI కార్యకర్త అరెస్ట్

814views

కేరళలోని వాయలార్ కు చెందిన RSS స్వయంసేవక్ నందు కృష్ణ హత్య కేసులో నిందితుడు, SDPI కార్యకర్త నిహాస్ (40) ని కేరళలోని అలప్పుజ జిల్లా పూచక్కల్ వద్ద పోలీసులు అరెస్టు చేశారు. ఈ కేసులో ఇప్పటి వరకూ 25 మందిని పోలీసులు అరెస్టు చేశారు.

PFI – SDPI గూండాలు 2021 ఫిబ్రవరి 24న నందుకృష్ణను హత్య చేశారు. ముందస్తు ప్రణాళికతోనే దుండగులు నందు కృష్ణను హత్య చేసినట్లుగా ఎఫ్ఐఆర్లో పేర్కొన్నారు.

ఈ హత్యతో సంబంధమున్న 7గురు PFI – SDPI సభ్యుల అరెస్టు

బిజెపి తలపెట్టిన ‘విజయ యాత్ర’ సందర్భంగా కేరళకు వచ్చిన ఉత్తరప్రదేశ్ ముఖ్యమంత్రి యోగి ఆదిత్యనాథ్ రాకను నిరసిస్తూ PFI – SDPI లు సంయుక్తంగా రాష్ట్రంలోని పలు ప్రాంతాలలో నిరసన ప్రదర్శనలను నిర్వహించాయి. అదే సమయంలో హిందూ సంస్థల నాయకుల హత్యలకు కుట్ర పన్నారన్న ఆరోపణలతో ఇద్దరు PFI సభ్యులని ఉత్తరప్రదేశ్ పోలీసులు అరెస్టు చేశారు. ఈ అరెస్టులను నిరసిస్తూ PFI నిర్వహించిన ప్రదర్శనలో హిందువులను, ఆర్ ఎస్ ఎస్, యోగి ఆదిత్యనాథ్ లను తీవ్రంగా దూషిస్తూ, రెచ్చగొట్టే నినాదాలు చేశారు PFI సభ్యులు.

PFI యొక్క అభ్యంతరకర ర్యాలీకి నిరసనగా RSS కార్యకర్తలు కూడా ఒక ర్యాలీని చేపట్టారు. ఆ ర్యాలీపై కత్తులతో దాడి చేసిన PFI గుండాలు నందుకృష్ణని హత్య చేశారు. ఆ దాడిలో మరో ముగ్గురు స్వయంసేవకులు తీవ్రంగా గాయపడ్డారు.

Source : Organiser.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.