తమిళనాడులోని తిరుచ్చిలో హైందవ వ్యతిరేకులు బరితెగించారు. ఐంథం తమిళర్ సంఘం శ్రీరాముడి చిత్ర పటాన్ని బహిరంగంగా దహనం చేసింది.అంతేకాకుండా రాముడి చిత్రపటంతో వున్న దిష్టిబొమ్మను చెప్పులతో కూడా కొట్టారు. దీంతో హిందువుల్లో తీవ్ర ఆగ్రహావేశాలు వ్యక్తమవుతున్నాయి. మరోవైపు ఈ ఘటన నేపథ్యంలో స్థానిక హిందువులు, హిందూ సంస్థలు, బీజేపీ నేతలు తిరుచ్చి సైబర్ క్రైమ్ పీఎస్ లో ఫిర్యాదు చేశారు. దీంతో సంస్థపై ఎఫ్ఐఆర్ నమోదైంది.
మరోవైపు తిరుచ్చిలో జరిగిన ఈ హైందవ వ్యతిరేక ఘటన సోషల్ మీడియాలో కూడా వైరల్ అయ్యింది. ఐదు నుంచి ఆరుగురు వ్యక్తులు ఓ గుంపుగా ఏర్పడి, రాముడి చిత్ర పటానికి నిప్పంటించారు. రావణుడిదే జయం అంటూ నినాదాలు కూడా చేశారు. అంతేకాకుండా రాముడు ఉత్తర భారత దేవుడు అని, తమిళుడు కాదని కూడా వ్యాఖ్యలు చేశారు. అంతేకాకుండా ఈ చర్యను ఆ బృందం సమర్థించుకుంది. అయితే.. రాముడ్ని అలా చేసిన వ్యక్తి ఆ సంస్థ నేత పాండియన్ గా పోలీసులు గుర్తించారు. త్రిచి సైబర్ క్రైమ్ పోలీసులు అక్టోబర్ 2న ఇయంతం తమిళర్ సంఘంతో సంబంధం ఉన్న ఫేస్బుక్ ఖాతాపై క్రైమ్ నెం. 18/2025 కేసు నమోదు చేసి చర్య తీసుకున్నారు.
