కుటుంబ ప్రబోధన్ భారతీయ సంస్కృతి యొక్క ప్రాథమిక సూత్రం అని ఉపరాష్ట్రపతి జగదీప్ ధన్ ఖడ్ అన్నారు. మధ్యప్రదేశ్ లోని ఉజ్జయినిలో 66వ ‘అఖిల భారత కాళిదాస్ సమరోహ్’ను ఉపరాష్ట్రపతి ప్రారంభించారు. ఈ సందర్బంగా ఉపరాష్ట్రపతి మాట్లాడుతూ సమాజంలోని ప్రతి ఒక్కరూ ‘కుటుంబ ప్రబోధన్’ వైపు దృష్టి సారించాలని అన్నారు. కుటుంబ సాధికారత భారతదేశ పాత్రలో అంతర్లీనంగా ఉందని చెప్పారు.
“ఇది భారతదేశం యొక్క లక్షణం, మనం కుటుంబం పట్ల శ్రద్ధ చూపకపోతే, జీవితం ఎలా సార్థకం అవుతుంది? మన పొరుగున ఎవరున్నారో తెలుసుకోవాలి? మన సమాజంలో ఎవరున్నారు? వారి సంతోషాలు మరియు బాధలు ఏమిటి? మనం వారికి ఎలా ఉపశమనం ఇవ్వగలం? దీనివల్ల జీవితం అర్థవంతమవుతుంది. కుటుంబాన్ని ఆదుకున్నప్పుడే దేశం ఆదుకుంటుంది. మన ప్రియమైన వారిని జాగ్రత్తగా చూసుకున్నప్పుడే దేశం సంరక్షణ అవుతుంది. ఇది మన సంస్కృతి యొక్క ప్రాథమిక సూత్రమని అన్నారు.
భారతదేశం ఎల్లప్పుడూ ‘సామాజిక సామరసత’ ప్రపంచ శాంతిని మరియు అందరి సంక్షేమాన్ని దృష్టిలో ఉంచుకుంటుందని,వసుధైవ కుటుంబాన్ని స్వీకరించి ప్రపంచానికి అర్థవంతమైన ప్రయోగాన్ని అందించింది భారత్ అని ఉపరాష్ట్రపతి తెలిపారు.
