చత్తీస్గఢ్లో మత మార్పిడి పెద్ద సమస్య. కాంగ్రెస్ హయాంలో క్రిస్టియన్ మిషనరీలు రాష్ట్రంలో క్రైస్తవ మత మార్పిడి ఘటనలను పెద్ద ఎత్తున పెంచారు. కానీ, ఇప్పుడు ప్రజలు తమ మూలాల్లోకి తిరిగి వస్తున్నారు. ఈ క్రమంలో మరోసారి ఛత్తీస్గఢ్లో ప్రజలు సనాతన ధర్మాన్ని ఆశ్రయించారు. తాజాగా, సుర్గుజా డివిజన్లోని అంబికాపూర్ జిల్లాలో 28 కుటుంబాలకు చెందిన 40 మంది కలిసి తిరిగి తమ స్వధర్మంలోకి వచ్చారు.
క్రైస్తవాన్ని త్యజించిన 40 మంది పాదాలను కడిగి, వారిని హిందూమతంలోకి చత్తీస్గఢ్ రాష్ట్ర బీజేపీ ప్రధాన కార్యదర్శి ప్రబల్ ప్రతాప్ జుదేవ్ స్వాగతించారు. గతంలో చేసిన తప్పులను దిద్దుకోవాలనుకుంటున్న వారిని స్వధర్మంలో చేర్చేందుకు తాము కృషి చేస్తున్నామన్నారు. భారతదేశం మొదటి నుంచి హిందూ దేశంగా ఉందని, తాము బలోపేతం చేసేందుకు నిరంతరం కృషి చేస్తామని స్పష్టం చేశారు.
మహర్షి దయానంద్ సరస్వతి 200వ జయంతి సందర్భంగా ఏర్పాటు చేసిన కార్యక్రమంలో భాగంగా తిరిగి 40 మంది సనాతన ధర్మంలోకి వచ్చారు. వీరిని క్రైస్తవ మిషనరీలు మంచి ఆరోగ్యం, మంచి డబ్బు, వృత్తితో ప్రలోభపెట్టి క్రైస్తవులుగా మార్చడం గమనార్హం. ఈ వ్యక్తులు క్రైస్తవులుగా మారారు, కానీ వారు తమ శాశ్వతమైన మూలాలను విడిచిపెట్టలేకపోయారు. తాజాగా అవకాశం లభించడంతో వెంటనే స్వధర్మంలోకి తిరిగి వచ్చారు.
ఇటీవల ఛత్తీస్గఢ్లోని కోర్బాలో 101 మంది సనాతన్ ధర్మంలోకి రావడం గమనార్హం. అలాగే జష్పూర్లో 8 కుటుంబాలకు చెందిన 12 మంది సనాతన ధర్మానికి తిరిగి వచ్చారు.
