కేరళలోని కోజికోడ్ జిల్లాలోని కుతిరవట్టం సమీపంలోని మైలాంబడి వద్ద ఒక హిందూ ఆలయాన్ని సంఘ విద్రోహ శక్తులు కూల్చివేశాయి. శ్రీ గురు భువనేశ్వరి కురుంబ భగవతి కావు ఆలయాన్ని జెసిబి సహాయంతో జనవరి 17న పగులగొట్టారు.
మైలంబాడికి చెందిన శ్రీ సుధీర్ యాజమాన్యంలోని ఆలయం మరియు దానికి అనుబంధంగా ఉన్న పవిత్రమైన తోటలను పూర్తిగా ధ్వంసం చేశారు. స్థానికుల కథనం మేరకు, ముస్లింల బృందం కొన్ని సంవత్సరాల క్రితం ప్రక్కనే ఉన్న భూమిని కొనుగోలు చేసింది. వారు అర్ధరాత్రి ఆలయ స్థలాన్ని ఆక్రమించి, తమ భూమిలో కలుపుకునే ప్రయత్నంలో ఆలయాన్ని, తోటను ధ్వంసం చేశారు.
ఒక వీడియోలో, శ్రీ సుధీర్ ముస్లిం భూ కబ్జాదారులు ఆ ఆస్తిని తమకు అమ్మేయాలని కోరుకుంటున్నారని చెప్పారు. అతనికి రూ .50 లక్షలు ఆఫర్ చేసినప్పటికీ, ఆలయం మరియు తోటను అమ్మడానికి నిరాకరించాడు. అతను ఆలయ యజమాని, అది అతనికి కుటుంబ ఆస్తిగా అప్పగించబడింది. స్వయంగా అక్కడ పూజలు ఇచ్చేవాడని కూడా చెప్పాడు.
స్థానిక హిందువుల సహాయంతో ఈ ఆలయాన్ని పునర్నిర్మించనున్నట్లు సమాచారం. దేశవ్యాప్తంగా సిఎఎ వ్యతిరేక అల్లర్ల తరువాత కేరళలో హిందువులు సామాజిక వివక్షను ఎదుర్కొంటున్నారు. కేరళ రాష్ట్రంలోని వివిధ ముస్లిం ప్రాబల్య ప్రాంతాల్లో హిందువులతో లావాదేవీలను ముస్లిములు బహిష్కరించారు. కేరళ మరియు పశ్చిమ ఆసియాలో పౌరసత్వ సవరణ చట్టానికి మద్దతు ఇచ్చినందుకు ముస్లిం యజమానులు అనేక మంది హిందూ ఉద్యోగులను తమ ఉద్యోగాల నుండి తొలగించారని తెలిసింది. హిందూ యజమానులు నిర్వహిస్తున్న దుకాణాలు మరియు ఇతర వ్యాపారాలు మరియు సేవలను బహిష్కరించాలని వివిధ ముస్లిం సంస్థలు మరియు వ్యక్తులు పిలుపునిచ్చారు. వామపక్ష మలయాళ మీడియా నివేదించకపోయినప్పటికీ, ఆలయ విధ్వంసానికి సంబంధించిన తాజా సంఘటన రాష్ట్రంలో హిందువులలో ఆగ్రహాన్ని రేకెత్తించింది.
Source : Organiser
మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవాలంటే ఇక్కడ క్లిక్ చెయ్యండి.
