న్యూఢిల్లీ: భారత్తో పాటు విదేశాల్లో ఉన్న ఉగ్రవాదులు, గ్యాంగ్స్టర్లు, డ్రగ్స్ స్మగ్లర్లు, ట్రాఫికర్ల సంబంధాలను విచ్ఛిన్నం చేయడంలో భాగంగా జాతీయ దర్యాప్తు సంస్థ మంగళవారం పంజాబ్, హరియాణా, రాజస్థాన్, ఢిల్లీ -ఎన్సీఆర్లోని పలు ప్రదేశాల్లో సోదాలు నిర్వహించింది. అయితే, కేసులో ఇప్పటివరకు ఎవరినీ అదుపులోకి తీసుకోలేదని ఎన్ఐఏ అధికారులు వెల్లడించారు.
ఇటీవలే ఓ డ్రోన్ డెలివరీ కేసులో జాతీయ దర్యాప్తు సంస్థ ఇటీవల అక్టోబర్ 14న జమ్ము కశ్మీర్లోని పూంచ్ జిల్లాతో పాటు పలు ప్రాంతాల్లో తనిఖీలు చేసింది. గత తొమ్మిది నెలల్లో పాకిస్తాన్ కు సంబంధించిన 191 డ్రోన్లు భారత్లోకి అక్రమంగా ప్రవేశించాయి. ఈ పరిణామాలు దేశంలో అంతర్గత భద్రతకు సవాళ్లుగా నిలుస్తున్నాయని అధికారులు చెబుతున్నారు. భారత్లోకి డ్రోన్ చొరబడిన ఘటన సోమవారం సైతం వెలుగులోకి వచ్చింది. అంతర్జాతీయ సరిహద్దు ద్వారా పంజాబ్ అమృత్సర్లోకి ప్రవేశించిన ఓ డ్రోన్ను బార్డర్లోని సైనికులు మట్టి కరిపించారు.
