న్యూఢిల్లీ: ఉక్రెయిన్లో ఉద్రిక్త పరిస్థితుల వేళ రష్యా అధ్యక్షుడు వ్లాదిమిర్ పుతిన్తో భారత ప్రధాని నరేంద్ర మోదీ మాట్లాడారు. హింసను వెంటనే విడనాడాలని పుతిన్ను మోదీ కోరారు. ఈ మేరకు ప్రధానమంత్రి కార్యాలయం వెల్లడించింది.
దౌత్యపరమైన చర్చలతోనే సమస్యకు పరిష్కారం వెతకాలని మోదీ సూచించినట్టు పేర్కొంది. ఇక ఉక్రెయిన్కు సంబంధించి ఇటీవలి పరిణామాల గురించి పుతిన్.. మోదీకి వివరించినట్టు తెలిపింది పీఎంఓ కార్యాలయం.
నాటో, రష్యా మధ్య విభేదాలు.. చర్చల ద్వారా మాత్రమే పరిష్కారమవుతాయని పునరుద్ఘాటించారు మోదీ. ఉక్రెయిన్లోని భారతీయ పౌరులు, ముఖ్యంగా విద్యార్థుల భద్రతపై ప్రధాని ఆందోళన వ్యక్తం చేసినట్టు పీఎంఓ తెలిపింది. వారిని సురక్షితంగా భారత్కు తీసుకొచ్చేందుకు అధిక ప్రాధాన్యమిస్తున్నట్టు పుతిన్కు వివరించినట్టు పీఎంఓ వెల్లడించింది. తమ ద్వైపాక్షిక సంబంధాలపై ఇరు దేశాల అధికారులు, దౌత్య బృందాలు తరుచుగా సంప్రదింపులు జరిపేందుకు పీఎం మోదీ, ప్రెసిడెంట్ పుతిన్ అంగీకరించినట్టు పేర్కొంది.
భారత్ కోరుకునేది అదే..
ఉక్రెయిన్లో ఉద్రిక్త పరిస్థితి ఉన్నచోట భారత పౌరులు, విద్యార్థులను స్వదేశానికి తీసుకొచ్చేందుకు ప్రయాత్నాలు చేస్తున్నామని రక్షణ మంత్రి రాజ్నాథ్ సింగ్ తెలిపారు. ఇరు దేశాలు శాంతియుతంగా సమస్యను పరిష్కరించుకోవాలని భారత్ కోరుకుంటోందని అన్నారు.
Source: EtvBharat
