-
పీఎఫ్‌ఐ, సిమిలపై నిషేధం విధించాలని వీహెచ్‌పీ, భజరంగ్ దళ్ డిమాండ్
భాగ్య‌న‌గ‌రం: భజరంగ్ దళ్ కార్యకర్త హ‌ర్ష హత్యకు నిర‌స‌న‌గా ప‌లు హిందూ సంఘాలు బుధవారం హైదరాబాద్‌లో ‘మషాల్ ర్యాలీ’ నిర్వహించాయి. శివ‌మొగ్గ‌లో ఆదివారం రాత్రి మ‌తోన్మాదులు హ‌ర్ష‌ను పొట్ట‌న‌పెట్టుకున్న సంగ‌తి విదిత‌మే.
ఈ ర్యాలీలో పాపులర్ ఫ్రంట్ ఆఫ్ ఇండియా(పిఎఫ్‌ఐ), స్టూడెంట్స్ ఇస్లామిక్ మూవ్‌మెంట్ ఆఫ్ ఇండియా(సిమి)లను నిషేధించాలని డిమాండ్ చేశారు. హైదరాబాద్‌లోని కోటిలోని వీహెచ్‌పీ కార్యాలయం నుంచి ర్యాలీ ప్రారంభమైంది.
భజరంగ్ దళ్ హైదరాబాద్ కో-కన్వీనర్ మహేశ్ యాదవ్ మాట్లాడుతూ.. ఇలాంటి సంఘటనలు సంస్థకు కొత్త కాదని, కొంతకాలంగా జరుగుతున్నాయన్నారు.
“మేం మౌనంగా కూర్చోబోమని జిహాదీలకు వార్నింగ్ ఇస్తున్నాం. రాష్ట్ర వ్యాప్త నిరసనలు, దోషులను ఉరి తీయాలని డిమాండ్ చేస్తున్నాం. వారిని ఉరితీసే వరకు ఆందోళన ఆగదు. సైన్యానిది పోరాడే తీరు. సైన్యం దేశం కోసం సరిహద్దులో, దేశంలో మేం దేశం, మతం కోసం పోరాడుతున్నాం.. ” అని అన్నారాయన.
వీహెచ్‌పీ ఆర్గనైజేషన్ రాష్ట్ర కార్యదర్శి యాదిరెడ్డి మాట్లాడుతూ.. పీఎఫ్‌ఐతో సంబంధం ఉన్న పలువురు కేరళ నుంచి కర్ణాటకకు వెళ్ళారు. త‌క్ష‌ణం పీఎఫ్‌ఐ, సిమిలను నిషేధించాలని డిమాండ్ చేశారు.
‘‘రెండు నెలల్లో 20 మందికి పైగా హిందువులు హత్యకు గురయ్యారు, పూజారి హత్య, మహిళా కార్మికురాలిని కూడా హత్య చేశారు. పీఎఫ్‌ఐ, సిమిలను నిషేధించాలి. పీఎఫ్‌ఐకి చెందిన చాలా మంది కేరళ నుంచి కర్ణాటకకు వచ్చారు. ఈ దాడులు మాకు కొత్త కాదు..” అని అన్నారు.
Source: Organiser
