215views
-
ఐరాసలో పాకిస్థాన్పై మండిపడ్డ భారత్
ఐక్యరాజ్యసమితి: ఉగ్రవాదులకు పాకిస్థాన్లో రాచమర్యాదలు దక్కడంపై భారత్ మండిపడింది. ఉగ్రవాదం వల్ల సాధారణ పౌరులకు ముప్పు పొంచి ఉందని ఐక్యరాజ్య సమితిలో పేర్కొంది. 2008 ముంబయి ఉగ్రదాడి వ్యూహకర్తలకు పాకిస్థాన్లో అన్ని రకాలుగా తోడ్పాటు అందుతోందని తెలిపింది. ‘సాయుధ ఘర్షణల నుంచి పౌరులను రక్షించాల’నే అంశంపై ఐక్యరాజ్య సమితి భద్రతా మండలిలో ప్రసంగించిన భారత శాశ్వత ప్రతినిధి ఆర్.మధుసూదన్.. ఉగ్రవాదులకు సహకరించడంలో పాకిస్థాన్కు దశాబ్దాల చరిత్ర ఉందని ఎండగట్టారు. ఇదే వేదికపై భారత్ లక్ష్యంగా విషప్రచారం చేసిన పాకిస్థాన్కు గట్టిగా బుద్ధి చెప్పారు.
