630views
-
పెరుగుతున్న కొవిడ్ కేసులు
జమ్మూ: జమ్మూ నగరంలో కరోనా పాజిటివ్ కేసులు పెరుగుతుండటంతో బుధవారం నుంచి రాత్రి కర్ఫ్యూ విధిస్తున్నట్టు జిల్లా అధికారులు ప్రకటించారు. నగరంలో పెరుగుతున్న కరోనా పాజిటివిటీ రేటును నిరోధించేందుకు విధించిన నైట్ కర్ఫ్యూను ఉల్లంఘించిన వారిపై కఠిన చర్యలు తీసుకుంటామని జిల్లా మెజిస్ట్రేట్ అన్షుల్ గార్గ్ హెచ్చరించారు. ‘‘జమ్మూలో పెరుగుతున్న కరోనా కేసులతో బుధవారం రాత్రి 10 నుంచి 6 గంటల వరకు కర్ఫ్యూ విధిస్తున్నట్టు గార్గ్ ట్వీట్ చేశారు.
జమ్మూలో కరోనా కట్టడి కోసం ప్రజలంతా కొవిడ్ టీకాలు వేయించుకోవాలని సూచించారు. నైట్ కర్ఫ్యూ గురించి ప్రజల్లో ప్రచారం చేయాలని కోరారు. జిల్లా విపత్తు నిర్వహణ అథారిటీ జమ్మూలో కొవిడ్ పరిస్థితిపై సమీక్ష నిర్వహించింది. కొవిడ్ సానుకూలత రేటు 0.2 శాతం పెరిగినందున తక్షణ చర్యలు అవసరమని నిర్ణయించినట్టు వివరించింది.
