కరీంనగర్లోని ముకరంపుర ప్రాంతంలో ఇన్స్టిట్యూట్ ఆఫ్ మ్యాథమెటిక్స్ పేరుతో నడుస్తున్న ఒక విద్యాసంస్థలో యువకులకు తీవ్రవాద శిక్షణను ఇస్తున్నట్లుగా తేలింది.
కరోనా వైరస్ వ్యాప్తి నిరోధక చర్యలలో పోలీసులు విద్యాసంస్థల మూసివేత విషయంలో జరుపుతున్న తనిఖీలలో భాగంగా ముకరంపుర లోని ఈ విద్యా సంస్థను పరిశీలించినప్పుడు ప్రభుత్వ ఉత్తర్వులకు విరుద్ధంగా అక్కడ తరగతులను నిర్వహిస్తున్నట్టు తేలింది.
ఆ కోచింగ్ సెంటర్ నిర్వాహకుడు జమీల్ అహమద్ పాపులర్ ఫ్రంట్ ఆఫ్ ఇండియా (పీ ఎఫ్ ఐ) జిల్లా నాయకుడని తెలుసుకున్న పోలీసులు విస్మయం చెందారు.
కొన్ని రాష్ట్ర ప్రభుత్వాలు ఇప్పటికే పీ ఎఫ్ ఐ ని నిషేధించి ఉన్నాయని పోలీసులు పేర్కొన్నారు. ఈ సంస్థలో తరగతులకు హాజరవుతున్న కొంతమంది విద్యార్థులను కూడా పీ ఎఫ్ ఐ కార్యకలాపాలలో పనిచేసే విధంగా తయారుచేసి బెంగుళూరు ప్రాంతానికి తరలించినట్లుగా తమ ప్రాథమిక విచారణలో తేలిందని పోలీసులు వెల్లడించారు. ఈ దాడిలో ఎస్ ఐలు స్వరూప్ రాజ్, రవీందర్ నాయుడుల తోపాటుగా వివిధ విభాగాలకు చెందిన పోలీసులు, విద్యాశాఖ అధికారులు పాల్గొన్నారు.
