సోషల్ మీడియాలో వైరల్ అవుతున్న ఒక వీడియోలో, రైల్వే ప్లాట్ఫామ్పై నిలబడి ఉన్న యువతుల అశ్లీల ఫోటోలను రహస్యంగా తీస్తున్న వ్యక్తిని స్థానికులు పట్టుకుని పోలీసులకు అప్పగించిన ఘటన వెలుగులోకి వచ్చింది. ఆరోపణలు ఎదుర్కొంటున్న వ్యక్తిని గఫూర్ ఖాన్ గా గుర్తించినట్లు సమాచారం.
వీడియోలో కనిపించిన దృశ్యాల ప్రకారం, ఒక యువతి వెనుక నిలబడి ఆమెకు తెలియకుండా మొబైల్ ఫోన్తో ఫోటోలు తీస్తుండగా అక్కడున్నవారు అతడిని రెడ్హ్యాండెడ్గా పట్టుకున్నారు. అనంతరం అతడిని సమీప పోలీస్ స్టేషన్కు తీసుకెళ్లినట్లు తెలుస్తోంది.
పోలీసులు ఖాన్ మొబైల్ ఫోన్ను పరిశీలించగా, అందులో మహిళలకు సంబంధించిన 300కు పైగా అనుచిత ఫోటోలు ఉన్నట్లు ఆరోపణలు వినిపిస్తున్నాయి. ఈ ఫోటోలు రహస్యంగా తీసినవేనని స్థానికులు పేర్కొంటున్నారు.
ఘటన జరిగిన ఖచ్చితమైన రైల్వే స్టేషన్, తేదీ, సమయం ఇంకా అధికారికంగా వెల్లడికాలేదు. అయితే వీడియోలో వినిపిస్తున్న భాష ఆధారంగా ఈ ఘటన తమిళనాడు లో జరిగి ఉండవచ్చని సోషల్ మీడియాలో చర్చ జరుగుతోంది.
ఈ ఘటనపై ఇప్పటివరకు పోలీసులు అధికారిక ప్రకటన విడుదల చేయలేదు. పూర్తి వివరాలు వెలుగులోకి రావాల్సి ఉంది.
