విజయవాడ మాచవరం దాసాంజనేయస్వామివారి దేవాలయంలో ఈ నెల 30వ తేదీ నుంచి వచ్చే నెల 3వ తేదీ వరకు హను మజ్జయంతి వేడుకలు ఘనంగా నిర్వహించనున్నట్లు ఆలయ కార్యనిర్వహణాధికారి నాగినేని భవాని తెలిపారు. స్థానిక దాసాంజనేయస్వామివారి దేవాలయంలో హనుమజ్జయంతి వేడుకల కరపత్రాలను ఆవిష్కరించారు. ఈ సందర్భంగా ఆమె మాట్లాడుతూ, 30వ తేదీ గురు వారం సాయంత్రం 6 గంటలకు శ్రీ విష్వక్సేన పూజ అంకురార్పణతో వేడుకలు ప్రారంభమవుతాయన్నారు. స్వామివారికి విశేషంగా మన్యసూక్త పారాయణం ప్రత్యేక పూజలు, అభిషేకాలు నిర్వహిస్తామని చెప్పారు. 31వ తేదీ శుక్రవారం ఉదయం 5.30 గంటలకు నిత్యారాధన, పంచామృత స్నపనం, నాగవల్లీదళ సహస్ర నామార్చనలు ఆలయ అర్చకులచే శాస్త్రోక్తంగా జరుగుతాయన్నారు. వచ్చే నెల 1వ తేదీ శనివారం హనుమజ్జయంతిని పురస్క రించుకుని స్వామివారికి ప్రీతికరమైన సిందూర అర్చన, తమలపాకులతో అర్చన, ప్రత్యేక పూజలు, అభిషేకాలు నిర్వహిస్తామన్నారు.
