వెయ్యి సంవత్సరాల అణిచివేత కాలంలో మన సంస్కృతి దిగజారుతూనే ఉందని, విలువలను కూడా కోల్పోవడం ప్రారంభించిందని రాష్ట్రీయ స్వయం సేవక్ సంఘ్ సహ సర్ కార్యవాహ్ డా. కృష్ణ గోపాల్ జీ తెలిపారు. రాష్ట్ర ధర్మ పత్రిక ప్రత్యేక సంచిక విడుదల కార్యక్రమంలో ఆయన పాల్గొన్నారు. ఈ సందర్భంగా ఆయన మాట్లాడుతూ, వేల సంవత్సరాల అణిచివేత కాలంలో దేశ సంస్కృతి ప్రభావితం అయిందన్నారు. మొదట ఇస్లాం, ఆ తర్వాత బ్రిటిష్ వారు మన దేశాన్ని ఆర్థికంగా దోచుకోవడమే కాకుండా సాంస్కృతికంగా వక్రీకరించాలని ప్రయత్నించారని, కానీ హిందువులు తమ ప్రాణాలతో తమను, దేశ సంస్కృతిని కాపాడుకున్నారని డా.కృష్ణ గోపాల్ జీ తెలిపారు.
జిజియాతో పాటు తీర్థయాత్రలు, గంగాస్నానంపై పన్నులు భరిస్తున్నప్పటికీ హిందువులు తీర్థయాత్రను గానీ, గంగాస్నానాన్ని గానీ వదులుకోలేదని ఈ సందర్భంగా సహ సర్ కార్యవాహ్ గుర్తు చేశారు. మొఘలులు పదే పదే ఆలయాలను కూల్చివేసినా సంస్కృతి పరిరక్షకులైన హిందువులు ఆలయాలను పునర్నిర్మించారని తెలిపారు. దేవాలయ నిర్మాణ స్ఫూర్తిని విచ్ఛిన్నం చేయడంలో మొఘలులు విఫలం అయ్యారని తెలిపారు. అనంతరం దర్శకుడు మనోజ్ కాంత్ మాట్లాడుతూ ‘రాష్ట్రధర్మ పత్రిక ప్రచురణ 1947లో ప్రారంభమైందని తెలిపారు. పండిట్ దీనదయాళ్ ఉపాధ్యాయ్, ప్రొఫెసర్ రాజేంద్ర సింగ్ ఉపాఖ్య రజ్జు భయ్యా, భౌ రావ్ దేవరస్, నానాజీ దేశ్ముఖ్, మాజీ ప్రధాని అటల్ బిహారీ వాజ్పేయి దీనికి సహకరించారని గుర్తు చేశారు.
గొప్ప ఆలోచనాపరుల వ్యాసాలను, సాహిత్యాన్ని క్రోడీకరించి అందించడం ద్వారా దేశ పాఠకుల సైద్ధాంతిక వికాసానికి రాష్ట్ర ధర్మ పత్రిక తోడ్పాటు అందిస్తోందని మనోజ్ కాంత్ తెలిపారు. రాష్ట్రం యొక్క అవసరాలకు అనుగుణంగా దేశం ప్రవర్తించినంత కాలం దేశం అభివృద్ధి పథంలో పయనిస్తుందనే భావన ప్రాచీన కాలం నుండి ఉందన్నారు.
