సువిశాల విశ్వంలో జీవుల నివాసయోగ్యమైన గ్రహం ఇప్పటి దాకా మనకు తెలిసి భూమి ఒక్కటే. ఇతర గ్రహాలపై జీవం ఉందా? లేదా? అనేది గుర్తించడానికి దశబ్దాలుగా పరిశోధనలు జరుగుతున్నాయి. మానవ నివాసానికి ఆస్కారం ఉన్న మరో గ్రహం కోసం అన్వేషణ కొనసాగుతూనే ఉం ది. నిజంగా ఇలాంటి గ్రహం ఒకటి దొరికితే అది మానవాళికి ఒక వరం అనే చెప్పాలి. కెనడాలోని యూనివర్సిటీ ఆఫ్ మాంట్రియల్ సైంటిస్టులు ఈ దిశగా కొంత పురోగతి సాధించారు. భూగోళం లాంటి మరో గ్రహం ఉన్నట్లు గుర్తిం చారు. జేమ్స్ వెబ్ స్పేస్ పాటు స్పిట్జర్, హబుల్ అంతరిక్ష టెలిస్కోప్లు సేకరించిన సమాచారాన్ని, చిత్రాలను క్రోడీకరించి ఈ సూపర్ ఎర్పై వాతావర ణాన్ని అంచనా వేశారు. భూమికి 48 కాంతి సంవత్సరాల దూరంలో రాళ్లు, నీటితో నిండి ఉన్న ఈ గ్రహాన్ని ఎల్డీహెచ్ఎస్ 1140బిగా పిలుస్తున్నారు. దీనిపై నీరు చాలావరకు ద్రవ రూపంలోనే ఉందని, భూమిపై మాదిరిగానే అక్కడ నైట్రోజన్ వాయువుతో కూడిన వాతావరణం ఉందని పరిశోధకులు చార్లెస్ కాడియక్స్ తెలిపారు. భూమి కంటే పెద్దదైన ఇది ఎరుపు రంగు మరుగుజ్జు నక్షత్రం చుట్టూ పరిభ్రమిస్తోందని వెల్లడించారు.
