185views
తూర్పు లడ్డాఖ్ లోని గోగ్రా-హాట్ స్ప్రింగ్స్ లో వివాదానికి కేంద్రబిందువుగా ఉన్న పెట్రోలింగ్ పాయింట్ (పీపీ)-15 నుంచి భారత్, చైనా బలగాలు సోమవారం వెనక్కి మళ్లాయి. అక్కడ ఏర్పాటు చేసిన తాత్కాలిక, మౌలిక వసతులను తొలగించాయి. నిర్దేశిత ప్రణాళిక ప్రకారమే రెండు పక్షాలూ ఈ ప్రక్రియను చేపట్టాయని సంబంధిత వర్గాలు తెలిపాయి. పీపీ-15 నుంచి రెండు దేశాల సైనికుల ఉపసంహరణ జరిగినప్పటికీ డెమ్ చోక్, దెప్సాంగ్ ప్రాంతాల్లో వివాదాలను పరిష్కరించుకునే అంశంలో ఎలాంటి పురోగతి లేదని అధికార వర్గాలు పేర్కొన్నాయి.
