275views
-
నిందితుడు దిల్షాద్ హుస్సేన్‌ను కాల్చిచంపిన బాధితురాలి తండ్రి
గోర‌ఖ్‌పూర్‌: కిడ్నాప్, అత్యాచార కేసులో ఆరోపణలు ఎదుర్కొంటున్న ఓ వ్యక్తిని కోర్టు ఆవరణలోనే కాల్చి చంపాడు బీఎస్ఎఫ్ మాజీ జవాను. ఈ ఘటన ఉత్తర్ప్రదేశ్లోని గోరఖ్పుర్లో జరిగింది. తన కూతురిపై అత్యాచారం చేశాడన్న ఆగ్ర‌హాంతోనే చంపిన‌ట్టు తెలుస్తోంది.
బీహార్లోని ముజఫర్‌పుర్కు చెందిన దిల్షాద్ హుస్సేన్ 2020 ఫిబ్ర‌వ‌రిలో బి.ఎస్.ఎఫ్ మాజీ జ‌వాన్ భగవత్ నిషాద్ కుమార్తెను కిడ్నాప్ చేసి, అత్యాచారానికి పాల్ప‌డ్డాడు. ఈ కేసు విచారణ నిమిత్తం హాజరయ్యేందుకు కోర్టు గేటు వద్దకు శుక్రవారం దిల్షాద్ చేరుకున్నాడు. అప్పుడే భగవత్ నిషాద్ తన ద‌గ్గ‌ర ఉన్న తుపాకీతో దిల్షాద్ను కాల్చి చంపాడు. పోలీసులు భగవత్ను అరెస్టు చేశారు. మృతదేహాన్ని పోస్ట్మార్టంకు తరలించారు.
Source: EtvBharat
