రాంచీ: జార్ఖండ్‌లోని రాంచీలో ఈ నెల 15వ‌తేదీన హత్యకు గురైన విశ్వహిందూ పరిషత్ (విహెచ్‌పి) నాయకుడు ముఖేష్ సోనీ కేసులో యూనస్ అన్సారీ అనే వ్యక్తిని జార్ఖండ్ పోలీసులు అరెస్టు చేశారు. ఈ నెల 19న రాంచీలో ప్రెస్‌ మీట్ పెట్టిన పోలీసు సూపరింటెండెంట్ దేహత్ నౌషాద్ ఆలం మాట్లాడుతూ హత్య జరిగినప్పటి నుండి పరారీలో ఉన్న మరో నిందితుడు ప్రిన్స్ ఖాన్‌ను పట్టుకోవడానికి ప్రయత్నాలు జరుగుతున్నాయని అన్నారు.
విశ్వహిందూ పరిషత్, భజరంగ్ దళ్ ఖలారీ బ్లాక్ ప్రెసిడెంట్‌గా ఉన్న ముఖేష్ సోనీపై కాల్పులు జరిపిన రోజు తన నగల దుకాణాన్ని మూసివేసి ఇంటికి తిరిగి వస్తున్నారని ఎస్పీ మీడియాకు తెలిపారు. ఈ సంఘటన ఖలారి పోలీస్ స్టేషన్ పరిధిలోని రాంచీలోని మెక్‌క్లస్కీగంజ్ పట్టణానికి సమీపంలోని బైపాస్ రోడ్‌లో జరిగింద‌ని, కేసు చాలా సున్నితమైనది కాబట్టి, కేసును ఛేదించడానికి సిట్‌ను ఏర్పాటు చేశామని, మృతుడి తండ్రి వాంగ్మూలం ఆధారంగా కేసు నమోదు చేశామని, యూనస్ అన్సారీ, ప్రిన్స్ ఖాన్ ఇద్దరినీ నిందితులుగా పేర్కొన్నట్టు ఎస్పీ తెలిపారు.
Source: NationalistHub
