జమ్మూకశ్మీర్లో ఉగ్రవాదులకు సహాయం చేసిన ఓ వ్యక్తి నదిలో దూకి తప్పించుకునేందుకు ప్రయత్నించాడు. ఈ క్రమంలో నదీ ప్రవాహంలో కొట్టుకుపోయి మృతిచెందాడు. భద్రతా బలగాల వైఫల్యం వల్లే ఇలా జరిగిందని ఆరోపణలు వస్తున్న సమయంలో ఆర్మీ ఓ వీడియోను విడుదల చేసింది. ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. ఈ వీడియోతో ఆ వ్యక్తి తనకు తానుగా నదిలోకి దూకినట్లు తెలుస్తోంది..
కుల్గాం జిల్లాలో ఉగ్రవాదులకు సాయం చేసినట్లు సమాచారం అందడంతో స్థానిక ప్రాంతానికి చెందిన ఇంతియాజ్ అహ్మద్ మాగ్రే (23) అనే వ్యక్తిని పోలీసులు శనివారం అదుపులోకి తీసుకున్నారు. విచారణలో తాను ఉగ్రవాదులకు సాయం చేసినట్లు అంగీకరించాడు. అలాగే ఉగ్రవాదులను బయటికి రప్పించేందుకు సాయం చేస్తానని చెప్పడంతో ఆర్మీ బలగాలు ఆదివారం అతడిని అనుసరిస్తూ వెళ్లాయి.
అయితే ఈ క్రమంలోవేషా నదికి సమీపంలోకి వెళ్లగానే.. ఆ వ్యక్తి ఒక్కసారిగా అందులోకి దూకి తప్పించుకునేందుకు ప్రయత్నించాడు. అయితే నీటి ప్రవాహం ఎక్కువగా ఉండడంతో సాధ్యం కాలేదు. చివరకు నదీ ప్రవాహంలో కొట్టుకుపోయి మృతి చెందాడు. దీనికి కారణం భద్రతా బలగాల నిర్లక్ష్యమే అంటూ ఆరోపణలు వస్తున్న సమయంలో ఆర్మీ ఓ వీడియోను విడుదల చేసింది. ఇందులో ఇంతియాజ్ పరుగెత్తుకుంటూ వెళ్లి నదిలోకి దూకినట్లుగా కనిపిస్తోంది.
Kulgam | May 4
Imtiyaz Ahmad Magray (23), detained for aiding terrorists, tried to escape during a joint Police-Army raid and jumped into the Veshaw River. He was swept away by the current and drowned.
CCTV shows he jumped willingly. Forces shouldn't be blamed for his death. pic.twitter.com/lM8pd8rpfE— muzufar khan (@MUZUFARKHAN) May 4, 2025
నదిలో కొట్టుకుపోతున్న అతన్ని చాలా దూరం వరకూ డ్రోన్ కెమెరా అనుసరిస్తూ వెళ్లింది. నదీ ప్రవాహంలో ఈత కొడుతూ తప్పించుకునే క్రమంలో వేగం ఎక్కువగా ఉండడం వల్ల మునిగిపోయినట్లు కనిపిస్తోంది. ఈ వీడియోతో ఇందులో భద్రతా బలగాల తప్పు లేదని స్పష్టమైంది. కాగా, ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు.
