ఐదేళ్ల తరువాత రష్యాకు వెళ్లిన భారత ప్రధాన మంత్రి నరేంద్ర మోదీకి ఆ దేశం ఘన స్వాగతం పలికింది. రెండు రోజు పర్యటనలో భాగంగా రష్యాకు వెళ్లిన ప్రధాని మోదీకి అక్కడ విశేష స్వాగత సత్కారాలు లభించాయి. అయితే, ప్రధాని మోదీ రాక సందర్భంగా మాస్కోలోని రెడ్ స్క్వేర్లో రష్యన్ మహిళలు భాంగ్రా నృత్య ప్రదర్శన చేశారు. భారతీయ సంప్రదాయ వస్త్రధారణలో.. భాంగ్రా డ్యాన్స్ చేస్తూ మోదీకి వెల్కమ్ చెప్పారు. ఇందుకు సంబంధించిన ఫోటోలు, వీడియోలు సోషల్ మీడియాలో తెగ వైరల్ అవుతున్నాయి.
స్పెషల్ అట్రాక్షన్గా చిన్నారి..
ఇదిలాఉంటే..అయితే, ఈ మహిళల గ్రూప్లో ఓ చిన్నారి బాగా హైలెట్ అయ్యింది. రష్యాకు చెందిన ఐదేళ్లలోపు వయసున్న చిన్నారి.. భారతీయ సంప్రదాయ దుస్తులు ధరించి ఆకట్టుకుంది. అంతేకాదండోయ్.. ధోల్ దరువులకు ఎంతో ఉత్సాహంగా నృత్యం చేస్తూ.. సాంస్కృతిక కార్యక్రమాల్లో సందడి చేసింది. చూడచక్కని రూపుతో, ఆకట్టుకునే వస్త్రాలంకరణతో డ్యాన్స్ కుమ్మేసింది. ఈ చిన్నారి వీడియోను సోషల్ మీడియాలో పోస్ట్ చేయగా.. అది క్షణాల్లో బాగా వైరల్ అయ్యింది. చిన్నారి తన నృత్యంతో నెటిజన్ల హృదయాన్ని కొల్లగొడుతోంది.
#WATCH | Moscow, Russia | A young Russian girl, dressed in Indian attire, joins others in performing Bhangra. pic.twitter.com/UsQt1DRiMm
— ANI (@ANI) July 8, 2024
video courtesy:ANI
