593views
-
ఇస్లాంకు వ్యతిరేకంగా ఉందంటూ వ్యాఖ్య
ఇస్లామాబాద్: రేప్ కేసుల్లో దోషులకు లైంగిక సామర్థ్యం లేకుండా చేసే ‘నేర చట్టం-2021’ బిల్లుపై పాకిస్థాన్ వెనక్కు తగ్గింది. ఈ చట్టం.. ఇస్లామిక్ పద్ధతులకు వ్యతిరేకంగా ఉందని అంతర్జాతీయ ఇస్లామిక్ కౌన్సిల్ స్పష్టం చేయడంతో ఈ నిర్ణయం తీసుకుంది. ఈ మేరకు ఈ చట్టంలో ఉన్న కెమికల్ ‘కాస్ట్రేషన్’ క్లాస్ను తొలగించినట్టు పార్లమెంటరీ న్యాయ కార్యదర్శి జస్టిస్ మలీకా బొకారీ తెలిపారు.
ఈ చట్టంలోని అంశాలు ఇస్లాంకు వ్యతిరేకంగా ఉన్నాయని అంతర్జాతీయ ఇస్లామిక్ కౌన్సిల్ స్పష్టం చేయటం కారణంగా ఈ నిర్ణయం తీసుకున్నట్టు తెలిపారు. న్యాయశాఖ మంత్రి ఫరోగ్ నాసిమ్ ఆధ్వర్యంలో చర్చలు జరిపాకే కెమికల్ ‘కాస్ట్రేషన్’ అంశాన్ని చట్టం నుంచి తొలగించామన్నారు.
