రాష్ట్రీయ స్వయంసేవక్ సంఘ్ (RSS)పై అవాంఛనీయ వ్యాఖ్యలు చేసి పరువు నష్టం కలిగించినందుకు గాను దాఖలు చేసిన ఒక ప్రయివేట్ ఫిర్యాదు వ్యవహారంలో కీలక పరిణామం చోటు చేసుకుంది. ఈ ఫిర్యాదును బెంగళూరు నగరంలోని XLII (42వ) అదనపు చీఫ్ జుడిషియల్ మేజిస్ట్రేట్ కోర్టు విచారణ నిమిత్తం పరిగణనలోకి తీసుకుంది. తేజస్ ఎ అనే వ్యక్తి దాఖలు చేసిన ఈ ఫిర్యాదులో కర్ణాటక రాష్ట్ర హోంమంత్రి ప్రియాంక్ ఖర్గే, ఆ ఆ రాష్ట్ర యూత్ కాంగ్రెస్ నాయకుడు మహమ్మద్ హారిస్ నలపాద్ అనే మరో వ్యక్తిని నిందితులుగా పేర్కొన్నారు.
కోర్టు ద్వారా జారీ అయిన 27.06.2026 నాటి ఉత్తర్వుల ప్రకారం భారతీయ న్యాయ సంహిత, 2023లోని సెక్షన్ 356 కింద నిందితులు ప్రియాంక్ ఖర్గే, నల్పాడ్పై తేజస్ చేసిన పరువునష్టం వ్యాఖ్యల ఫిర్యాదును పరిగణనలోకి తీసుకున్నారు. ఈ కేసును క్రిమినల్ కేసుగా నమోదు చేయాలని, నిందితులకు సమన్లు జారీ చేసి, వాటిని జులై 21, 2026 నాటికి తిరిగి సమర్పించేలా చూడాలని మేజిస్ట్రేట్ ఆదేశించారు. ఆ ప్రకారం, నిందితులిద్దరూ జూలై 21, 2026న కోర్టుకు హాజరు కావాలని సమన్లు జారీ అయ్యాయి. తేజస్ నవంబర్ 2025లో ఈ ప్రయివేట్ ఫిర్యాదును దాఖలు చేశారు.
