వక్ఫ్ ఆస్తులలో చేరిపోయిన కర్ణాటకలోని కొప్పాల్ హళకేరి శ్రీ అన్నదానేశ్వర శాఖ మఠం ఆస్తులను తిరిగి ఇవ్వాలని స్థానిక వీరశైవులు ప్రభుత్వాన్ని కోరారు. నవంబర్ 21న వీరశైవ వర్గం నాయకులు మఠంలో సమావేశమై దీని గురించి చర్చించారు. ఈ మఠం స్థానిక వీరశైవులు శతాబ్దాలుగా ఎంతో ముఖ్యమైనదిగా భావిస్తున్నారు. మఠం ఆస్తులను వక్స్ ఆస్తుల జాబితాలోకి బదలీ చేశారు. ఈ మఠం కేంద్రంగా సామాజిక సేవా కార్యక్రమాలు, పాఠశాలలు నడస్తున్నాయి. ఇది 35 కుంటల భూమిలో విస్తరించి ఉంది. ఇందులో 18 కుంటల భూమిని దర్గా, శ్మశాన వాటిక భూమిగా రిజస్టర్ చేశారు. మిగిలిన మఠం ఆధ్వర్యంలోని పాఠశాల పేరుతో ఉంది. ఇంతకీ ఆ 18 కుంటల భూమిని జనవరి 29, 2021 లోనే వక్స్ ఆస్తిగా సర్వే నెం 17 పేరుతో రిజిస్టర్ చేశారు. ఈ బదలీనే రద్దు చేయవలసిందిగా స్థానిక వీరశైవ వర్గీయులు కోరుతున్నారు. చిరకాలంగా ఈ ప్రాంతంలో హిందువులు, ముస్లింలు సఖ్యతతోనే ఉన్నారని, మఠం భూమిని వక్స్ ఆస్తిగా రిజస్టర్ చేయడం వల్ల ఉద్రిక్తతలు తలెత్తాయని పెద్దలు చెప్పారు.
