News

బద్రీనాథ్ యాత్రను నిలిపివేసిన అధికారులు.. కొండపై నుంచి పడుతున్న శిథిలాలు.. వీడియో వైరల్..!

88views

బద్రీనాథ్ (Badrinath) హైవేపై హెలాంగ్ (Helang) సమీపంలో కొండపై నుంచి శిథిలాలు పడడంతో రోడ్డు మూసుకుపోయింది. దీని తరువాత అధికారులు బద్రీనాథ్ యాత్రను నిలిపివేసింది. హైవేపై శిథిలాలు పడిపోతున్న వీడియో భయానకంగా ఉంది. గౌచర్, కర్ణ ప్రయాగ్, లంగాసు వద్ద పోలీసులు అడ్డంకులు ఏర్పాటు చేశారు. బద్రీనాథ్కు వెళ్లే యాత్రికులను ముందుజాగ్రత్తగా వారి వారి ప్రదేశాల్లోనే ఉండాలని కోరారు. హెలాంగ్లోని బద్రీనాథ్ రహదారిని తెరిచిన తర్వాత యాత్రికులను అనుమతిస్తామని సిఓ కర్ణప్రయాగ్ అమిత్ కుమార్ తెలిపారు. ట్రాఫిక్ భద్రత విషయంలో పోలీసులు ఈ నిర్ణయం తీసుకున్నారు.

చార్ధామ్కు వెళ్లే యాత్రికులు తీవ్ర ఇబ్బందులు పడుతున్నారు. మధ్యలో మంచు కురుస్తుండటంతో కేదార్నాథ్ ధామ్ యాత్ర వాయిదా పడింది. భద్రతా కారణాల దృష్ట్యా యాత్రికులను అనుమతించలేదు. అక్కడ ప్రయాణంలో మరోసారి గందరగోళం నెలకొంది. బద్రీనాథ్ ధామ్ హైవేపై కొండపై నుంచి శిథిలాలు పడుతున్నాయి. శిథిలాల కారణంగా అధికారులు రహదారిని మూసివేశారు.

పిప్పల్ కోటి, జోషిమత్ మధ్య హెలెన్ సమీపంలోని కొండ నుండి శిధిలాలు ప్రధాన రహదారిపై పడ్డాయి. దీంతో ఆ మార్గం మూసుకుపోయి ప్రయాణికులు తీవ్ర ఇబ్బందులు పడుతున్నారు. రోడ్డుపై శిథిలాలు తీసేయడానికి అన్ని ప్రయత్నాలు చేస్తున్నామని ఎస్సీ చమోలీ ప్రమేంద్ర సింగ్ దోవల్ తెలిపారు. రెండు జేసీబీ యంత్రాల ద్వారా మార్గాలను తెరిచేందుకు ప్రయత్నాలు చేస్తున్నారు. ఈ ఘటనకు సంబంధించిన వీడియో కూడా బయటకు వచ్చింది.