లక్నో: యూపీలోని అజంగఢ్లో హిందువులను క్రైస్తవ మతంలోకి మార్చేందుకు క్రైస్తవ మత మార్పిడి మాఫియా చేసిన ప్రయత్నాన్ని స్థానికులు అడ్డుకున్నారు. సమాచారాన్ని పోలీసులకు చేరవేయడంతో ఆదివారం, ఉత్తరప్రదేశ్లోని అజంగఢ్ సమీపంలోని అందఖోర్ గ్రామంలో ఇద్దరు మహిళలతో సహా నలుగురు నిందితులను అరెస్టు చేశారు.
నిందితుల్లో ఒకరైన ఢిల్లీకి చెందిన రాకేష్ కుమార్ రెండు నెలల క్రితం అజంగఢ్కు వచ్చాడు. అతను అజంగఢ్లో ఒక ఇంటిని అద్దెకు తీసుకుని, ఇతర నిందితులు అజయ్ కుమార్, రీతా దేవి, అజంగఢ్కు చెందిన గీతాదేవితో కలిసి అక్కడ నివసించాడు.
నిందితులు స్థానికులను పిలిచి క్రైస్తవ మతంలోకి మారమని నమ్మించేవారని ఎస్పీ అనురాగ్ ఆర్య తెలిపారు. చాలా మంది డబ్బు, ఇతర ప్రయోజనాల వాగ్దానాల ఊబిలో చిక్కుకున్నారు. క్రైస్తవ మతంలోకి మారడానికి ఒప్పించారు. బిలారియగంజ్ స్టేషన్ హౌస్ ఆఫీసర్ (ఎస్హెచ్ఓ) విజయ్ ప్రకాష్ మాట్లాడుతూ, మతమార్పిడి మాఫియా ఎంత మందిని మతం మార్చగలదో పోలీసులు పరిశీలిస్తున్నారని చెప్పారు.
శనివారం నిందితులు సమీపంలోని అందఖోర్ గ్రామంలో మతపరమైన కార్యక్రమాన్ని ఏర్పాటు చేసినట్టు స్థానికులు పోలీసులకు సమాచారం అందించారు. రాకేష్ కుమార్ నేతృత్వంలోని మాఫియా ఈ కార్యక్రమాన్ని మత మార్పిడికి ఉపయోగించుకుంటోందని గ్రామస్తులు ఆరోపించారు. స్థానికులు నిరసన వ్యక్తం చేయడంతో గ్రామానికి చెందిన ప్రవీణ్కుమార్ పోలీసులకు ఫిర్యాదు చేశారు. పోలీసులు విచారణ జరిపి ఆరోపణలు నిజమేనని తేల్చారు.
ఆదివారం, గ్రామంలో మతమార్పిడి మాఫియా ఉందని, అజంగఢ్ నుండి తప్పించుకోవడానికి ప్లాన్ చేసినట్టు ఒక ఇన్ఫార్మర్ పోలీసులను అప్రమత్తం చేశాడు. సమాచారం మేరకు ఘటనాస్థలికి చేరుకున్న పోలీసులు నలుగురిని అదుపులోకి తీసుకున్నారు.
ఫతేపూర్లో చర్చి దాడి, 26 మంది అరెస్టు
ఉత్తరప్రదేశ్లోని ఫతేపూర్ జిల్లాలో హిందువులను అక్రమంగా మతం మార్చేందుకు ప్రయత్నించిన 26 మందిని శుక్రవారం అరెస్టు చేశారు. మతమార్పిడుల మాఫియా హరిహరగంజ్లోని చర్చి వద్ద గుమిగూడగా, హిందూ సంస్థలు నిరసన వ్యక్తం చేసి పోలీసులకు సమాచారం అందించాయి. పోలీసులు చర్చిపై దాడి చేసి 26 మంది నిందితులను అరెస్టు చేశారు.
హరిహరగంజ్ ప్రాంతంలో క్రైస్తవులు హిందువులను క్రైస్తవ మతాన్ని స్వీకరించడానికి ఒప్పించేందుకు, బలవంతం చేయడానికి ప్రయత్నిస్తున్నారని తమకు అనేక ఫిర్యాదులు అందాయని పోలీసులు తెలిపారు. అరెస్టయిన వారందరూ ప్రజలను మతం మార్చేందుకు ప్రయత్నిస్తున్నారన్నారు.
Source: HINDU POST
మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.
