భోపాల్: మధ్యప్రదేశ్కు చెందిన ఓ దివ్యాంగుని ప్రతిభను చూసి ప్రధాన మంత్రి నరేంద్ర మోదీ భావోద్వేగానికి లోనయ్యారు. ఆయనను కలిసి, మాట్లాడిన మధుర క్షణాలు ఎన్నటికీ మరపురాబోవని తెలిపారు. కాలి వేళ్ళతో అత్యంత ఆకర్షణీయమైన చిత్రాలను గీస్తున్న ఆయన అందరికీ ప్రేరణనిస్తున్నారని, ఆయన నుంచి నిరంతరం ప్రేరణ పొందడానికే తాను ట్విటర్లో ఆయనను ఫాలో అవుతున్నానని చెప్పారు.
ప్రధాని మోదీ గురువారం మధ్య ప్రదేశ్లోని బడ్వాహ్ నివాసి ఆయుష్ కుండల్ (24)ను కలిశారు. ఆయుష్ తన చేతులతో కనీసం చిన్న పని అయినా చేయలేరు. సక్రమంగా కూర్చోలేరు, మాట్లాడలేరు. అయినప్పటికీ ఆయన కాలి వేళ్ళకు అద్భుతమైన శక్తిసామర్థ్యాలు ఉన్నాయి. ఆయన మనోభావాలకు రూపమివ్వగలిగే సత్తా వాటికి ఉంది. మనసులో తలచుకున్న రూపాన్ని చిత్రంగా మలచగలిగే దమ్ము ఉంది.
ఆయుష్ కుండల్ తన కాలి వేళ్ళతో దాదాపు 100కు పైగా పెయింటింగ్లను చిత్రించి, అందరి మన్ననలు పొందుతున్నారు. గురువారం ప్రధాన మంత్రి నరేంద్ర మోదీని కలిశారు.
Source: Nijamtoday
