రక్షణ రంగంలో అత్యున్నత పురస్కారం ప్రెసిడెంట్ కకలర్స్ను అందుకోవడం లో నావికా దళం ముందుంటుంది. 1951 మే 27న రాష్ట్రపతి డాక్టర్ రాజేంద్ర ప్రసాద్.. భారత నౌకాదళానికి తొలిసారిగా ఈ తరహా పురస్కారాన్ని అందించారు. తర్వాత కాలంలో దక్షిణ నౌకాదళం, తూర్పునౌకాదళం, పశ్చిమ నౌకాదళం, తూర్పు ఫ్లీట్, పశ్చిమ ఫ్లీట్, సబ్ మెరైన్ ఆర్మ్, ఐఎన్ఎస్ శివాజీ, భారత నౌకా అకాడమీలు వరుసగా ఈ ప్రెసిడెంట్ కలర్స్ పురస్కారాన్ని అందుకున్నాయి. తాజాగా భారత నౌకా వాయు విభాగం(ఇండియన్ నావల్ ఏవియేషన్)కు ఈ అత్యున్నత పురస్కారం రాష్ట్రపతి అందించనున్నారు. ఈనెల 6న గోవాలో జరగనున్న ఈ ఉత్సవానికి రాష్ట్రపతి రామ్నాథ్ కోవింద్ హాజరు కానున్నారు. ఐఎన్ఎస్ హంసలో జరిగే ఈ కార్యక్రమం సందర్భంగా తపాల శాఖ ప్రత్యేక కవర్ను కూడా విడుదల చేయనుంది. గోవా గవర్నర్, దేశ రక్షణ మంత్రి, గోవా ముఖ్యమంత్రి నౌకాదళ చీఫ్ ఇతర మిలటరీ ఉన్నతాధికార్లు దీనికి హాజరుకానున్నారు.
