834views
జాతిపిత, మహాత్మా గాంధీని అమెరికా ప్రతిష్ఠాత్మక ‘కాంగ్రెషనల్ గోల్డ్ మెడల్’తో గౌరవించుకోవాలని మరోసారి ప్రతినిధుల సభ తీర్మానించింది. ఈ ప్రతిపాదనను న్యూయార్క్కు చెందిన ఓ ప్రజాప్రతినిధి సభ ముందుకు తీసుకొచ్చింది. శాంతి, అహింస మార్గాల్లో మానవాళికి ప్రేరణగా నిలిచిన గాంధీకి ఈ పురస్కారాన్ని ఇవ్వాలని చట్టసభ్యురాలు కరోలిన్ బీ మెలోని కోరారు. గాంధీ మార్గం.. మార్టిన్ లూథర్ కింగ్ జూనియర్, నెల్సన్ మండేలా చేపట్టిన వర్ణవివక్ష వ్యతిరేక ఉద్యమాలకు స్ఫూర్తినిచ్చాయని మెలోని తెలిపారు. ఓ ప్రజాప్రతినిధిగా గాంధీ నుంచి చాలా విషయాలు నేర్చుకుంటున్నట్లు ఆమె పేర్కొన్నారు. కాంగ్రెషనల్ గోల్డ్ మెడల్.. అమెరికాలో అత్యున్నత పౌర పురస్కారం. అయితే.. మరణానంతరం ఈ పురస్కారం పొందనున్న మొదటి వ్యక్తి గాంధీ కానున్నారు.
