576views
ఆఫ్గనిస్థాన్ విషయంలో భారత్ నిర్మాణాత్మక పాత్ర పోషించిందని అమెరికా భద్రతా విభాగం పెంటగాన్ తెలిపింది. శిక్షణ, మౌలిక వసతుల కల్పనలో భారత్ పాత్ర విశేషమైనదని పెంటగాన్ మీడియా ప్రతినిధి జాన్ కిర్బీ అభివర్ణించారు. అఫ్గాన్ కు.. భారత్- అమెరికా సంయుక్త సహకారంపై ఈ విధంగా మాట్లాడారు. అఫ్గాన్ లో స్థిరత్వం, సుస్థిర పరిపాలన కోసం భారత్ చేపట్టిన పనులు స్వాగతించదగ్గవని కిర్బీ అన్నారు. అఫ్గాన్ లో భద్రతా పరిస్థితులు గందరగోళంగా ఉన్నాయని అమెరికా రక్షణ మంత్రి లాయిడ్ ఆస్టిన్ అన్నారు. అంతర్జాతీయంగా ఈ అంశంపై ఆందోళన నెలకొంటోందని.. అఫ్గాన్ సైన్యానికి తాలిబాన్లను ఎదుర్కొనే శక్తి ఉందని తెలిపారు.
