News

రామకృష్ణపరమహంసను ఒక భక్తుడు ఇలా ప్రశ్నించాడు – ‘‘సంసారపు పనులు చేసుకుంటూ భగవంతుడి ఆరాధన సాధ్యమేనా?’’ దానికి సమాధానంగా రామకృష్ణులు ‘‘ఎందుకు సాధ్యం కాదు? గ్రామీణ స్త్రీ వడ్లను దంచడం చూశారుకదా. ఆమె ఒకచేతితో రోకలి పట్టుకుని దంచుతూనే ఉంటుంది. మరోవైపు పిల్లవాడిని సముదా యిస్తుంటుంది. అదే సమయంలో ఇతర వ్యవహారా లకు సంబంధించిన మాటలు చెపుతూనే ఉంటుంది. వ్యాపారపు లెక్కలు చూస్తుంటుంది. అయితే ముఖ్యమైన పని మాత్రం ఎలాంటి ఆటంకం లేకుండా జరుగుతూనే ఉంటుంది. రోగలిపోటు కాస్త అటూఇటుగానైనా రోకలిపోటు పడుతుందని ఆమెకు తెలుసు. అలాగే మనం కూడా సంసారపు పనులు చేసుకుంటూనే మనస్సును భగవంతుడి మీద కేంద్రీకరించి ప్రార్థించాలి’’ అని సమాధానమిచ్చారు. భగవంతుడి పూజకానీ, సమాజకార్యంకానీ ఎంతటి పనుల మధ్యలోనైనా చేయవచ్చన్నది రామకృష్ణపరమహంస సందేశం....

భారత నౌకాదళానికి చెందిన రక్షణ నౌక ‘ఐఎన్‌ఎస్‌ శివాలిక్‌’ సింగపూర్‌ పర్యటనకు వెళ్లిందని శనివారం నేవీ వర్గాలు తెలిపాయి. దక్షిణ చైనా పసిఫిక్‌ సముద్ర గస్తీ విధుల్లో భాగంగా శివాలిక్‌ నౌక సింగపూర్‌లోని షాంగీ నేవల్‌ బేస్‌కు చేరింది. అక్కడ క్రంజి యుద్ధస్మారక స్తూపం వద్ద నౌక సిబ్బంది, భారత హైకమిషనర్‌ కలిసి అమరులకు నివాళులు అర్పించారు. నౌకను ఆదేశ పాఠశాలల విద్యార్థులు సందర్శించారు. గస్తీ అనంతరం జపాన్‌-ఇండియా మారిటైం విన్యాసాలకు భారత నేవీ నౌక, సిబ్బంది బయలుదేరి వెళ్లనున్నారని తెలిపాయి....

సౌదీ అరేబియా లో 8000 సంవత్సరాల పురాతన ఆలయం తవ్వకాల్లో బయటపడింది. ఆలయ అవశేషాలను అక్కడి పురావస్తు శాఖ కనుగొంది. ఆ పురాతన ఆలయానికి ససబంధించిన ఫొటోలను పురావస్తు శాఖ సోషల్ మీడియాలో షేర్ చేసింది. సౌదీ రాజధాని రియాద్‌కి నైరుతి దిశలో వున్న ఆల్ఫా ప్రాంతంలో 8000 ఏళ్ల నాటి ఆలయ అవశేషాలు బయటపడ్డాయని పురావస్తు శాఖ అధికారికంగా ప్రకటించింది. దీంతో ఇది వెలుగులోకి వచ్చింది. ఈ విషయం పురావస్తు శాఖలో ఓ మైలురాయిగా అభివర్ణిస్తున్నారు. ఈ అవశేషాలు బయటపడటంతో పురాతన నాగరికతలు ఎలా వుండేదో తెలిసి వచ్చింది. అత్యంత మన్నికైన రాతితో ఈ ఆలయ నిర్మాణం జరిగిందని, దీనిని నిర్మించిన సృష్టికర్తల నిర్మాణ నైపుణ్యం అమోఘమని పురావస్తు శాస్త్రవేత్తలు అభిప్రాయపడుతున్నారు. ఇక ఆలయంతో పాటు బలిపీఠాల అవశేషాలు కూడా బయటపడ్డాయి. అంతేకాకుండా ఈ అవశేషాలు...

అనంతపురం జిల్లాలోని పావగడలో స్థానిక రామకృష్ణ సేవాశ్రమ పీఠాధిపతి జపానందస్వామిని శనివారం రైతు సంఘం ఆధ్వర్యంలో తాలూకాలోని రైతులు శనివారం ఘనంగా సన్మానించారు. గడిచిన మార్చ్‌ నెల నుంచి స్వామి పావగడ ప్రాంతానికి చెందిన రైతుల ఎన్నో వేల పశువులకు గడ్డి పంపిణీ చేసి, రక్షించారని సీనియర్‌ రైతు కెంచగానపల్లి గోవిందప్ప అన్నా. అలాగే స్వామి చళికెర, మొలకలమూరు, గుడిబండ తదితర ప్రాంతాలకు చెందిన ఎన్నో పశువులకు మేత అందంచారన్నారు. ఈ నేపథ్యంలో రైతులు స్వామిజీకి పాదపూజ చేసి సత్కరించారు. స్వామిజీ సేవలు ప్రజలకు మరింత ఉపయోగపడాలని ఆర్యవైశ్య సంఘం అధ్యక్షుడు సురేష్‌బాబు పేర్కొన్నారు. కార్యక్రమంలో లాయర్‌ భగవంతప్ప, తర్కారి కిష్టప్ప, గంగాధర్‌నాయుడు అనేక మంది రైతులు పాల్గొని స్వామిజిని సన్మానించారు....