అస్సాంలోని ధుబ్రి జిల్లాలో హిందువులను లక్ష్యంగా చేసుకుని నడుస్తున్న ఒక వ్యసన విముక్తి కేంద్రం De-addiction Center పై పోలీసుల దాడి సంచలనంగా మారింది. గౌరీపూర్ ప్రాంతంలో పనిచేస్తున్న ఈ కేంద్రంలో బలవంతపు మత మార్పిడి ప్రయత్నాలు, హింసాత్మక చర్యలు జరుగుతున్నాయనే సమాచారం ఆధారంగా ఏప్రిల్ 24 అర్ధరాత్రి తరువాత పోలీసులు ఆకస్మిక దాడి చేపట్టారు.
ఈ దాడిలో ఆరుగురిని పోలీసులు అదుపులోకి తీసుకుని, కేంద్రంలో నిర్బంధించబడి ఉన్న తొమ్మిది మంది హిందువులను రక్షించారు. ఈ కేసులో ప్రధాన నిందితుడిగా భావిస్తున్న జహిరుల్ షేక్ పరారీలో ఉన్నట్లు అధికారులు వెల్లడించారు.
బాధితుల వాంగ్మూలాల ప్రకారం, కేంద్రంలో ఉన్న హిందువులపై మానసిక మరియు శారీరక వేధింపులు జరిపి, గోమాంసం తినమని ఒత్తిడి చేసి, ఇస్లాం మతాన్ని స్వీకరించేలా బలవంతం చేసేవారు. మత మార్పిడి చేయించేందుకు ఒత్తిడి తీసుకువచ్చారు. పరిస్థితులను తట్టుకోలేక కొందరు బాధితులు భవనం పై నుంచి దూకి తప్పించుకునే ప్రయత్నం చేసినట్లు సమాచారం.
అలాగే, కేంద్రంలో ఉన్నవారిని బలవంతపు పనులకు గురిచేయడం, అవమానకర పరిస్థితుల్లో ఉంచడం వంటి అంశాలు కూడా బయటపడినట్లు తెలుస్తోంది. ఈ ఘటనపై పోలీసులు పలు కోణాల్లో దర్యాప్తు కొనసాగిస్తూ, బాధ్యులపై కఠిన చర్యలు తీసుకుంటామని స్పష్టం చేశారు.
ఈ సంఘటనపై దేశవ్యాప్తంగా ఆందోళన వ్యక్తమవుతోంది. హిందువుల భద్రత, మత స్వేచ్ఛపై ప్రశ్నలు తలెత్తుతున్నాయని పలు వర్గాలు అభిప్రాయపడుతున్నాయి.
