గోమాత సమక్షంలో యువ దంపతుల వివాహం!

సమాజంలో గోవుల పట్ల పెరుగుతున్న నిర్ల క్ష్యాన్ని దృష్టిలో పెట్టుకుని.. సనాతన ఆచారాలను ప్రజలకు గుర్తు చేయాలనే ఉద్దేశంతో గోమాత సన్నిధిలో ఓ యువజంట వివాహం చేసుకుంది. ఈ సంఘటన మధ్యప్రదేశ్ లోని గ్వాలియర్ లోని జరిగింది. మధ్యప్రదేశ్‌కు చెందిన యువతి రంజన శర్మకు, ఆగ్రా నివాసి యతేంద్ర శర్మకు ఇటీవల పెళ్లి కుదిరింది. గోమాత సన్నిధిలో ఈ వివాహం జరగాలని కుటుంబీకులు కోరగా.. దానికి వరుడు కుటుంబం సంతోషంగా అంగీకరించింది. ఈ క్రమంలో కల్యాణం రోజున ముందుగా సాధువుల సమక్షంలో వధూవరులు ఓ గోవుకు ప్రత్యేక పూజలు చేశారు. ఆ తరువాత వేదమంత్రాల సాక్షిగా వారిద్దరికి వివాహం జరిగింది. సనాతన ధర్మాలకు గౌరవం ఇస్తున్న యువ జంటకు పలువురు అభినందనలు తెలిపారు.