News

అత్యంత వైభవం… అఖండ దీప సాగర హారతి

38views

విశాఖపట్నం: ఏపీలోని విశాఖపట్నం సాగర తీరంలో నిన్న(నవంబర్‌ 23, బుధవారం) అత్యంత వైభవంగా అఖండ దీప సాగర హారతి జరిగింది. స్థానిక విశ్వభారత్ మీడియా ఆధ్వర్యంలో జరిగిన ఈ కార్యక్రమంలో దేశంలోని వివిధ దివ్యక్షేత్రాల నుంచి 15 మందికి పైగా స్వామీజీలు విచ్చేశారు. సైకత లింగార్చన, రుద్రాభిషేకం, హోమం వంటి విశేష పూజలు జరిగాయి. విశ్వభారత్ మీడియా చైర్మన్ బలివాడ రమేశ్, మేనేజింగ్ డైరెక్టర్ భీమరశెట్టి వాసుదేవ్(కిశోర్), టెక్నికల్ డైరెక్టర్ బలివాడ శివశంకర్, తదితరులు శివనామ స్మరణతో సాగరానికి హారతి ఇచ్చారు.

సనాతన ధర్మానికి రక్షణ అవసరం: శ్రీనివాసానంద సరస్వతీ స్వామి

ఈ మహా క్రతువు శ్రీ శ్రీనివాసానంద సరస్వతీ స్వామి పర్యవేక్షణలో జరిగింది. ఈ సందర్భంగా ఆయన మాట్లాడుతూ సనాతన ధర్మాన్ని కాపాడుకోవాలని పిలుపునిచ్చారు. సర్వజన శ్రేయస్సుకు కారణమైన సాగరుడికి హారతి ఇవ్వడం పుణ్యప్రదమని పేర్కొన్నారు. అందరితో సనాతన ధర్మాన్ని కాపాడుకుంటామని ఈ సందర్భంగా ప్రతిజ్ఞ చేయించారు. కాలజ్ఞాని వీరబ్రహ్మేంద్ర స్వామి ఎనిమిదో తరం మనుమడు వీరం భట్లయ్య, ప్రణవానంద భారతీ స్వామి, విశ్వానంద భారతి స్వామి, స్మితప్రజ్ఞానంద భారతి స్వామి, సంశ్రీరెడ్డి స్వామి, మాత సింధుమాతా, గాయత్రి మాత తదితరులు హాజరయ్యారు. కోవిద సహృదయ ఫౌండేషన్ వ్యవస్థాపకురాలు అనూహ్య రెడ్డి, సీబీఐ మాజీ జేడీ వీవీ లక్ష్మీనారాయణ, ఎమ్మెల్సీ మాధవ్, ఏయూ రిజిస్ట్రార్ ఆచార్య వి. కృష్ణమోహన్, విశ్వభారత్ ఎడిటర్ పి.చిన్నికృష్ణ, విశ్వభారత్ టీవీ టెక్నికల్ ఇన్‌చార్జి పవన్, ఎడిటోరియల్ సిబ్బంది, తదితరులు పాల్గొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి