గాంధీన‌గ‌ర్‌: మాదకద్రవ్యాల ముఠాపై గుజరాత్ ఏటీఎస్ ఉక్కుపాదం మోపుతోంది. కొద్ది రోజులుగా వివిధ ప్రాంతాల్లో తనిఖీలు చేస్తూ కోట్ల రూపాయలు విలువ చేసే మత్తు పదార్థాలను పట్టుకుంది. తీగ లాగితే డొంక కదిలినట్లు తాజాగా ఓ నిందితుడిని విచారించగా.. భారీగా మాదకద్రవ్యాలు పట్టుబడ్డాయి. ఉత్తర్ప్రదేశ్, ముజఫర్నగర్ జిల్లా మొహళ్ళ కిద్వాయినగర్ ప్రాంతంలో గుజరాత్ ఏటీఎస్ తనిఖీలు చేపట్టింది. సుమారు రూ.1300 కోట్ల విలువైన హెరాయిన్ పట్టుకుంది.
మూడు రోజుల క్రితం దిల్లీ షాహీన్బాగ్లో అఫ్గానిస్థాన్ నుంచి నగరానికి వచ్చిన 97 కిలోల హెరాయిన్ సహా రూ.30 లక్షల నగదు స్వాధీనం చేసుకుంది ఎన్సీబీ. ఈ కేసులో ఖైరానాకు చెందిన అహ్మద్, ఇద్దరు అఫ్గానిస్థానీలను అరెస్ట్ చేసింది. అహ్మద్ను విచారించగా.. ఉత్తర్ప్రదేశ్లోని ముజఫర్నగర్కు చెందిన హైదర్ పేరు బయటకు వచ్చింది. దీంతో హైదర్ను అదుపులోకి తీసుకుని విచారించాయి ఎన్సీబీ, గుజరాత్ ఏటీఎస్. ఈ క్రమంలో ముజఫర్నగర్లోని తన ఇంటిలో డ్రగ్స్ దాచినట్టు ఒప్పుకున్నాడు. అతడు ఇచ్చిన సమాచారం మేరకు కిద్వాయి నగర్కు ఓ టీమ్ వెళ్ళి అతడి ఇంట్లో సోదాలు నిర్వహించగా.. భారీగా డ్రగ్స్ బయటపడ్డాయి. హైదర్తో పాటు ఇమ్రాన్ అనే వ్యక్తి ఈ కేసులో ఉన్నట్లు తెలిసింది.
Source: EtvBharat
