వ‌స్తోంది…  ఐసిస్‌పై సినిమా ‘ది కేర‌ళ స్టోరీ’!

తిరువ‌నంత‌పురం: ‘ది కాశ్మీర్ ఫైల్స్’ సినిమా రికార్డులను బద్దలు కొడుతుండ‌గానే ఉగ్ర‌వాద సంస్థ ఐసిస్‌పై ఓ సినిమా రూపుదిద్దుకొంటోంది. కేరళలో ఐసిస్ రిక్రూట్‌మెంట్ ఆధారంగా ది కేర‌ళ స్టోరీ! పేరిట చిత్రాన్ని నిర్మిస్తున్నారు. విపుల్ అమృత్‌లాల్ షా నిర్మాత‌. ఈ చిత్రానికి సంబంధిన టీజర్‌ను కూడా విడుదల చేశారు.

సుదీప్తో సేన్ రచన, దర్శకత్వం వ‌హిస్తున్న ఈ చిత్రం గత 12 సంవత్సరాలలో కేరళ నుండి తప్పిపోయిన 32,000 మంది బాలికల కథను వివరిస్తుంది. టీజర్ ఒక ప్రశ్నతో మొదలవుతుంది – మీ కూతురు అర్ధరాత్రి వరకు ఇంటికి తిరిగి రాకపోతే, మీకు ఎలా అనిపిస్తుంది? అని ఉంటుంది. ఇంకా.. పీఎఫ్‌ఐ అనే రాడికల్ గ్రూప్ ప్రభావంతో కేరళలో ఉగ్రవాదం గురించి మాజీ ముఖ్యమంత్రి మాట్లాడుతున్నట్టు కూడా టీజర్‌లో చూపించారు.

సుదీప్తో సేన్ మాట్లాడుతూ, ఇటీవలి పరిశోధన ప్రకారం… కేరళ, మంగళూరు నుండి దాదాపు 32,000 మంది హిందూ, క్రైస్తవ వర్గాలకు చెందిన బాలికలు ఇస్లాంలోకి మార్చబడ్డారు. 2009 నుండి ఇది ప్రారంభమైంది. వారిలో ఎక్కువ మంది సిరియా, ఆఫ్ఘనిస్తాన్, ఇతర ఐసిస్, హక్కానీ ప్రభావవంతమైన ప్రాంతాల్లోకి త‌ర‌లించ‌బ‌డ్డారు. ఈ వాస్తవాలను అంగీకరించినప్పటికీ, ఇటువంటి భారీ అంతర్జాతీయ కుట్రలకు వ్యతిరేకంగా ఎటువంటి ఖచ్చితమైన కార్యాచరణ ప్రణాళికను ప్రభుత్వం చేప‌ట్ట‌డం లేదు.

ఇంకా, సుదీప్తో సేన్ మాట్లాడుతూ ఉపఖండంలో ఇటీవల జరిగిన అనేక మారణకాండలకు ఇప్పుడు కేరళ, మంగళూరు కేంద్రంగా ఉన్నాయి. కేరళ, మంగళూరు నుంచి యువతులు అదృశ్యమైనప్పటికీ ఎన్‌ఐఏ కేవలం 99 కేసులను మాత్రమే విచారిస్తోంది. లోతుగా వేళ్ళూనుకున్న బోధనా నెట్‌వర్క్ ద్వారా ప్రబలిన మత మార్పిడి కేరళను బుష్‌ఫైర్ లాగా ఆక్రమించింది!

మా పరిశోధనల నిమిత్తం ప‌లు ప్రాంతాల్లో ప‌ర్య‌టించాం.. ఆయా చోట్ల పారిపోయిన బాలికల తల్లుల కన్నీళ్ళు మా హృద‌యాల‌ను క‌ద‌లించివేశాయి. బాలిక‌ల్లోని కొందరిని ఆఫ్ఘనిస్తాన్, సిరియా జైళ్ళ‌లో కనుగొన్నాము. కొందరికి ఎలాంటి విచారణ ఉండదు. చాలా మంది అమ్మాయిలు భయంకరమైన ఐసిస్ ఉగ్రవాదులను వివాహం చేసుకున్నారు. పిల్ల‌లు క‌న్నారు. ఈ ముఖ్యమైన చిత్రం తమ కుమార్తెలను కోల్పోయిన తల్లులందరి రోదనను వినిపిస్తుంది.

నిర్మాత విపుల్ అమృత్‌లాల్ షా మాట్లాడుతూ ఇది మిమ్మల్ని కదిలించే కథ. సుదీప్తో వచ్చి తన 3-4 సంవత్సరాల పరిశోధనను నాకు వివరించినప్పుడు, మొదటి సిటింగ్‌లోనే నేను కన్నీళ్ళు పెట్టుకున్నాను. అదే రోజు ఈ సినిమా చేయాలని నిర్ణయించుకున్నాను. మేము ఇప్పుడు సినిమాతో ముందుకు సాగుతున్నందుకు నేను సంతోషిస్తున్నాను. నిజమైన, నిష్పాక్షికంగా చిత్రంగా మ‌ల‌చాల‌ని ముంద‌డుగు వేశాము… అని అన్నారు.

Source: VSK Bharat

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.