న్యూఢిల్లీ: ఉత్తరప్రదేశ్ పోలీసులను హెచ్చరిస్తూ ఎన్నికల ర్యాలీలో ఎఐఎంఐఎం అధ్యక్షుడు, హైదరాబాద్ ఎంపీ అసదుద్దీన్ ఒవైసీ చేసిన వ్యాఖ్యలపై బిజెపి మండిపడింది. అతను అభినవ మహమ్మద్ అలీ జిన్నా అంటూ విమ‌ర్శించింది. అయితే, తన వాఖ్యల సందర్భాన్ని ఉద్దేశ్యపూర్వకంగా వక్రీకరిస్తున్నారని అంటి తన మాటల తీవ్రతను తగ్గించుకొనే ప్రయత్నం ఒవైసి చేశారు.
వరుస ట్వీట్లలో, ఆల్ ఇండియా మజ్లిస్-ఇ-ఇత్తెహాదుల్ ముస్లిమీన్ చీఫ్ ఒవైసీ సోషల్ మీడియాలో విస్తృతంగా ఒక వీడియో క్లిప్‌ను వ్యాప్తి చేయారు. రాష్ట్ర పోలీసులు ముస్లింలపై అఘాయిత్యాలకు పాల్పడిన సందర్భంలో తాను చేసిన వాఖ్యాలను సందర్భానికి తగిన్నట్లు కాకూండా ఎడిట్ చేసి వ్యాప్తి చేశారని ఒవైసి ఆరోపించారు.
ఆయన షేర్ చేసిన వీడియో క్లిప్‌లో యోగి ఆదిత్యనాథ్ ఎప్పుడూ ముఖ్యమంత్రిగా ఉండరని, నరేంద్ర మోదీ ప్రధానిగా ఉండరని ఒవైసీ చెప్పినట్టు వినిపిస్తోంది. “మేము అన్యాయాన్ని మరచిపోము. ఈ అన్యాయాన్ని మేము గుర్తుంచుకుంటాము. అల్లా తన శక్తి ద్వారా నిన్ను నాశనం చేస్తాడు. పరిస్థితులు మారుతాయి. అప్పుడు నిన్ను రక్షించడానికి ఎవరు వస్తారు? యోగి తన మఠానికి తిరిగి వస్తాడు. మోదీ పర్వతాలకు వెళ్ళిపోతాడు. అప్పుడు ఎవరు వస్తారు?” అంటూ ప్రశ్నించారు.
తాను “జాతిహత్య సమావేశం”గా ఆరోపించిన హరిద్వార్‌లోని ధర్మ సంసద్‌లో చేసిన ద్వేషపూరిత ప్రసంగాల నుండి దృష్టిని మళ్లించడానికి తన 45 నిమిషాల ప్రసంగంను ఎడిట్ చేసిన ఒక నిమిషం క్లిప్‌ను వ్యాప్తి చేసారని పేర్కొన్నారు. “నేను హింసను ప్రేరేపించలేదు, బెదిరింపులు ఇవ్వలేదు. నేను పోలీసుల దౌర్జన్యాల గురించి మాట్లాడాను…. ఈ పోలీసుల దౌర్జన్యాలను గుర్తుంచుకుంటాం అని నేను చెప్పాను. ఇది అభ్యంతరకరమా?” అంటూ ప్రశ్నించారు.
“యూపీలో ముస్లింలతో పోలీసులు ఎలా ప్రవర్తించారో గుర్తు చేసుకోవడం ఎందుకు అభ్యంతరకరంగా ఉంది? నేను పోలీసులను అడిగాను: మోదీ -యోగి పదవీ విరమణ చేసినప్పుడు వారిని రక్షించడానికి ఎవరు వస్తారు? నిజానికి, ఎవరు చేస్తారు? వారికి జీవితకాల రోగనిరోధక శక్తి ఉందని వారు భావిస్తున్నారా?” అంటూ తన వైఖరిని స్పష్టం చేస్తూ ఒవైసీ మరో ట్వీట్ చేశారు.
ఒవైసీ వ్యాఖ్యలపై బిజెపి అధికార ప్రతినిధి సుధాన్షు త్రివేది మండిపడుతూ ఆయనను పాకిస్తాన్ వ్యవస్థాపకుడు జిన్నాతో పోల్చారు. ఎఐఎంఐఎం నాయకులు ఇలాంటి దుర్మార్గపు వ్యాఖ్యలు చేయడం అలవాటు చేసుకున్నారని దుమ్మెత్తిపోశారు.
“… జిన్నా ఆత్మ ఒవైసీలో నివసిస్తుంది” అని త్రివేది దయ్యబట్టారు, ప్రత్యక్ష కార్యాచరణ గురించి మాట్లాడుతూ 1946లో, అంటే 1946లో జిన్నా చేసిన వ్యాఖ్యల మాదిరిగానే హైదరాబాద్ ఎంపీ వ్యాఖ్యలు ఉన్నాయని స్పష్టం చేశారు.
Source: Nijamtoday
