News

కేంద్ర టీకా విధానం హర్షణీయం – ఓవైసీ

323views

వ్యాక్సీన్ పాలసీలో కేంద్ర ప్రభుత్వం తీసుకువచ్చిన మార్పులను హైదరాబాద్ ఎంపీ, ఎంఐఎం అధినేత అసదుద్దీన్ ఓవైసీ స్వాగతించారు. వ్యాక్సినేషన్ కోసం ఆన్‌లైన్ పోర్టల్‌‌లో రిజిస్ట్రేషన్ను తీవ్రంగా వ్యతిరేకించిన ఓవైసీ నేరుగా వ్యాక్సినేషన్ వేసే ‘వాక్ ఇన్ వ్యాక్సినేషన్’ విధానాన్ని అభినందించారు. నూతన విధానంలో వ్యాక్సినేషన్‌లో రాష్ట్రాలకు అధికారాలు కల్పించడంపై ఓవైసీ సంతృప్తి వ్యక్తం చేశారు.

18-44 ఏళ్ల మధ్య వయసున్న ప్రతి ఒక్కరు నేరుగా వ్యాక్సినేషన్ సెంటర్‌కు వెళ్లి వ్యాక్సీన్ తీసుకోవడానికి అనుమతిస్తున్నట్లు కేంద్రం ప్రకటించింది. ఆన్‌లైన్ రిజిస్ట్రేషన్ వల్ల దేశవ్యాప్తంగా వ్యాక్సినేషన్ సరిగా అమలు కావడం లేదనే విమర్శలు వచ్చాయి. ప్రజలకు ఆన్‌లైన్ రిజిస్ట్రేషన్‌పై అవగాహన లేకపోవడం, ఇంటర్నెట్ అందరికీ అందుబాటులో లేకపోవడం, స్మార్ట్‌ ఫోన్లు లేకపోవడంతో చాలా మంది వ్యాక్సీనేషన్‌కు దూరమవుతున్నారని సుప్రీంకోర్టు సైతం వ్యాఖ్యానించింది. ఈ నేపథ్యంలో నేరుగా కొవిడ్ వ్యాక్సినేషన్ సెంటర్లోనే వ్యాక్సీన్ తీసుకునే విధంగా కేంద్రం మార్పులు చేసింది.

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.