ఆయోధ్య శ్రీరామ జన్మభూమి మందిర విరాళాల వ్యవహారంపై బాలీవుడ్ నటుడు అనుపమ్ ఖేర్ చేసిన వ్యాఖ్యలు దేశవ్యాప్తంగా చర్చకు దారితీశాయి. ఇటీవల ఓ జాతీయ వార్తా ఛానల్కు ఇచ్చిన ఇంటర్వ్యూలో ఆయన చారిత్రక అంశాలను ప్రస్తావిస్తూ తన అభిప్రాయాలను వెల్లడించారు.
అనుపమ్ ఖేర్ మాట్లాడుతూ, భారతదేశంలో అసలైన దోపిడీ, విధ్వంసం మొఘలుల పాలనా కాలంలోనే జరిగిందని అన్నారు. అనేక హిందూ దేవాలయాలు ధ్వంసానికి గురయ్యాయని, హిందూ సమాజం ఎన్నో కష్టాలను ఎదుర్కొందని పేర్కొన్నారు. మహిళలపై కూడా అనేక దారుణాలు చోటుచేసుకున్నాయని ఆయన వ్యాఖ్యానించారు.
ప్రస్తుతం ఆయోధ్య రామమందిర విరాళాల వ్యవహారంపై వస్తున్న ఆరోపణలను ఆ చారిత్రక ఘటనలతో పోల్చుతూ, “ఆ కాలంలోని విపత్తులతో పోలిస్తే ఇవి చాలా చిన్న విషయాలు” అనే అభిప్రాయాన్ని వ్యక్తం చేశారు. ఎన్నో శతాబ్దాల కష్టాలను అధిగమించి హిందూ సమాజం నేడు శ్రీరామ మందిర నిర్మాణాన్ని సాకారం చేసుకుందని ఆయన అన్నారు.
అయితే, అనుపమ్ ఖేర్ వ్యాఖ్యలు సోషల్ మీడియాలో వైరల్ కావడంతో భిన్నాభిప్రాయాలు వ్యక్తమవుతున్నాయి.
ఇదిలా ఉండగా, ఆయోధ్య రామమందిర విరాళాల వ్యవహారానికి సంబంధించిన పిటిషన్లపై సుప్రీంకోర్టులో విచారణ కొనసాగుతోంది. ఈ కేసులో ఇప్పటివరకు జరిగిన దర్యాప్తుపై సమగ్ర నివేదిక సమర్పించాలని ప్రత్యేక దర్యాప్తు బృందం (SIT)ను సర్వోన్నత న్యాయస్థానం తాజాగా ఆదేశించింది.
