జమ్ము కశ్మీర్​లో పోలియో ఫ్రీ పాకిస్థాన్​ పోస్టర్లు కలకలం- విచారణకు సీఎంఓ ఆదేశం

ప్రస్తుతం పరిశీలనలో ఉన్న BMO పేరు, హోదా కూడా ఆ కరపత్రంలో ఉన్నాయి. ఆ లోగో, నినాదం ప్రాథమికంగా అనధికారికమైనవని ప్రకటనలో పేర్కొన్నారు. ఇవి తప్పుదోవ పట్టించేవని, ప్రభుత్వ అధికారిక ఆరోగ్య కార్యక్రమాలపై ప్రజల్లో గందరగోళం సృష్టించే అవకాశం ఉందని తెలిపారు. కమ్యూనిటీ హెల్త్ ఆఫీసర్ అయూబ్ లోన్ ఈ ప్రకటన మెటీరియల్‌ను సోషల్ మీడియాలో ప్రచారం చేశారని ఆ లేఖలో చెప్పారు. ఈ విషయాన్ని అత్యంత తీవ్రంగా పరిగణిస్తున్నామని, ఇది ప్రజల విశ్వాసాన్ని దెబ్బతీసి, విభాగానికి అపఖ్యాతిని తెస్తుందని పేర్కొన్నారు.

ఆ మెటీరియల్‌ను అధికారిక అనుమతితో తయారు చేశారా, ఆమోదించారా, ముద్రించారా, ప్రచురించారా లేదా ప్రచారం చేశారా అనే దానిపై ఒక రోజులోగా వివరణాత్మక నివేదిక, లిఖితపూర్వక వివరణ సమర్పించాలని BMOను ఆదేశించారు. కరపత్రాన్ని తయారుచేయడం, రూపకల్పన, ఆమోదించడం, ముద్రించడం, పంపిణీ చేయడానికి బాధ్యత వహించిన అధికారులు లేదా సంస్థలను గుర్తించమని కూడా సీఎంఓ స్పష్టం చేశారు.

ఎవరి అధికారంతో లోగో, విషయాలు పొందుపరచారో వివరించాలంటూ అడిగారు. దానిని వ్యాప్తికి చేసేందుకు ఎందుకు అనుమతించారో కమ్యూనిటీ హెల్త్ ఆఫీసర్ నుంచి కూడా వివరణ కోరారు. ఆఫీసు పేరుతో ఎటువంటి సమాచారం, ప్రకటన, పోస్టర్, కరపత్రం లేదా సోషల్ మీడియా కంటెంట్‌నైనా సరే, తగిన పరిశీలన, ఆమోదం లేకుండా విడుదల చేయకూడదని లేదా ప్రచారం చేయకూడదని CMO ఆదేశించారు.