కాన్పూర్ (ఉత్తర ప్రదేశ్) – హిందూ ధార్మిక సంప్రదాయానికి ప్రతీక అయిన బొట్టు పెట్టుకుని పాఠశాలకు వచ్చిన ఆరో తరగతి విద్యార్థిపై ఒక ముస్లిం టీచర్ దాడి చేసిన ఘటన కాన్పూర్లో వెలుగులోకి వచ్చింది. ఈ ఘటనతో హిందూ సంఘాల్లో ఆగ్రహం వ్యక్తమవుతోంది. బాధిత విద్యార్థి తల్లిదండ్రులు పోలీసులను ఆశ్రయించి, సంబంధిత టీచర్పై కఠిన చర్యలు తీసుకోవాలని డిమాండ్ చేశారు.
అసలు ఘటన ఏమిటి ?
దామోదర్నగర్కు చెందిన ఒక వ్యాపారవేత్త కుమారుడు కిద్వాయినగర్లోని ‘మదర్ థెరిసా మిషన్ హయ్యర్ సెకండరీ స్కూల్’లో ఆరో తరగతి చదువుతున్నాడు.విద్యార్థి తెలిపిన వివరాల ప్రకారం, తాను ప్రతిరోజూ నుదుటిపై తిలక్ ధరించి పాఠశాలకు వెళ్తుండగా, ఒక ముస్లిం ఉపాధ్యాయురాలు దీనిపై తరచూ అభ్యంతరం వ్యక్తం చేస్తూ అవమానకరంగా మాట్లాడేవాడు. మే 12న ఆ ఉపాధ్యాయురాలు బాలుడిని మూడు నుంచి నాలుగు సార్లు చెంపదెబ్బలు కొట్టినట్లు ఆరోపణలు ఉన్నాయి.
పాఠశాల ముగిసిన తర్వాత బాలుడు ఈ విషయాన్ని తన తండ్రికి వివరించగా, కుటుంబ సభ్యులు తీవ్ర ఆగ్రహానికి గురయ్యారు. బాలుడి తండ్రి పాఠశాల యాజమాన్యంతో మాట్లాడేందుకు ప్రయత్నించినప్పటికీ, వారు సమస్యను పట్టించుకోకుండా, బాలుడే హోంవర్క్ చేయలేదని కారణం చూపినట్లు ఆరోపించారు. అనంతరం కుటుంబ సభ్యులు పోలీసులకు ఫిర్యాదు చేశారు.
ఈ ఘటనపై స్పందించిన పోలీస్ అధికారి బహదూర్ సింగ్ మాట్లాడుతూ, “విద్యార్థిపై దాడి జరిగినట్టు సమాచారం అందింది. అయితే, ఇప్పటివరకు ఎలాంటి లిఖితపూర్వక ఫిర్యాదు అందలేదు. ఫిర్యాదు అందిన వెంటనే విచారణ జరిపి తగిన చర్యలు తీసుకుంటాము,” అని తెలిపారు.
పాఠశాల ప్రిన్సిపాల్ డాక్టర్ బీనా సేల్స్ మాట్లాడుతూ, ఈ ఘటనపై అంతర్గత విచారణ చేపడతామని, ఉపాధ్యాయుడిపై వచ్చిన ఆరోపణలు నిజమని తేలితే కఠిన చర్యలు తీసుకుంటామని తెలిపారు.
హిందువుల మతాచారాలపై అసహనం పెరుగుతోందా ?
తిలక్ వంటి హిందూ మతపరమైన చిహ్నాలను ధరించడం భారతీయ సంస్కృతి, సంప్రదాయంలో భాగమని హిందూ సంఘాలు పేర్కొంటున్నాయి. ఇటువంటి ఘటనలు విద్యాసంస్థల్లో హిందూ విద్యార్థుల మత స్వేచ్ఛకు భంగం కలిగించేలా ఉన్నాయని వారు ఆందోళన వ్యక్తం చేస్తున్నారు.
